Мерекелік іс-шараларды ұйымдастыру барысында мектебіміздегі көп балалы отбасындағы аналарымызға «Ана – отбасының жылуы» атты қайырымдылық акциясы өткізілді. Акция барысында 5  көп балалы отбасыларына: Нышандар отбасына, Молдағалилар отбасына, Бектурдиевалар отбасына, Каримовтар отбасына, Мұхтарлар отбасына қаржылай және азық-түлікпен көмек көрсетілді.  

      Мектебімізде ұстаздық қызмет атқарып, зейнеткерлікке шыққан зейнеткер апайларымыздың үйіне барып, гүл шоқтары мен сыйлықтарын табыстап, құттықтады.

     Сонымен қатар, «Өмір сыйлаған Ана» тақырыбында сурет көрмесі, «Ана – мәңгілік шуақ төккен ғасырларға» атты кітап көрмелері, бастауыш сынып оқушылары арасында «Ана бақыты – бала бақыты» тақырыбында мерекелік кештер өткізілуде. 

     Өткізіліп жатқан іс-шаралар «Facebook», «Instagram» әлеуметтік желілеріне де жариялануда.

Озық тәжірибелі педагог мамандардың құрамы негізінен еңбек өтілі жиырма жылдан жоғары, жоғары санатты 12 мұғалімнен құралады. Олардың еңбектері, жинақталған тәжірибелері, зерттеу жұмыстары аудан, облыс, республика көлемінде таралуда. Мысалы: Г.Абсалямова, Н.Туреханова, М.Ускибаева, К.Молдабекова және т.б. Мектепте жүйелі түрде озық іс-тәжірибелерді зерттеу, жинақтау, тарату жұмыстары жүргізілуде.

Мектептегі озық тәжірибелі мұғалімдер мектебімізде өткен 4-10.11.2016 ж. күндері аралығында өткен «Әр пән бойынша жаңа инновациялық технологияларды оқу мен оқыту үдерісіне енгізу және мұғалімнің құзыреттілігін дамыту» тақырыбында өткен республикалық ғылыми конференцияға қатысып, өз тәжірибелерімен бөлісті. Бұл конференцияға Алматы қаласы Абай атындағы Мемлекеттік Педагогикалық университетінен және Алматы қаласы Қыздар Мемлекеттік Педагогикалық университенин білікті ұстаздары, професорлар мен ғылым докторлары, Алматы облысы «Өрлеу» педагог мамандардың біліктілігін арттыру институтының педагог-тренерлері, Алматы қаласы Физика-математика бағытындағы Н.Назарбаев зияткерлік мектептерінің ұстаздары және Алматы қаласы химия-биология бағытындағы Н.Назарбаев зияткерлік мектептерінің білікті ұстаздары қатысты. Бұл конференцияда озық тәжірибелі ұстаздарымыз жоғары оқу орындарының мамандарымен кеңінен тәжірибе бөлісті. Білмеген дүниесін сұрап, практик маман ретінде білген дүниесін айтып, тәжірибе алмасты.

Бұл Ғылыми-конференция Алматы қаласы Білім бөлімі, Алматы облысы Білім департаменті және Талғар ауданының Білім бөлімінің басшылары тарапынан жоғары бағаға ие болды.

8.01.2016 ж. мектептің озық тәжірибелі мұғалімдері Талғар ауданының бірнеше директорлары және директорлардың оқу ісі меңгерушілерімен біріге отырып, Алматы қаласындағы Қыздар мемлекеттік педагогикалық университетіне барып үлкен көлемде семинар өткізді. Семинардың «Қазіргі замандағы жаңашыл мұғалімнің құзыреттілігі» тақырыбында өтті. Негізгі мақсат: Қазіргі кезде еліміздің жоғары оқу орындарын бітіріп шыққан түлектер қаншалықты дәрежеде жалпы орта білім беру мекемелернің талаптарына сай екендігін анықтау және ұсыныстар беру. Бұл семинарда да мектептің озық тәжірибелі мұғалімдері өздерінің білім беру саласының асқан шеберлері екендігін дәлелдеді.

Қорыта келгенде мектептегі озық тәжірибелі мұғалімдердің жұмысы өте жоғары дәрежеде деп табылып жақсы деген баға берілді.