2017 жылдың 15 наурызында осы оқушылар Республикалық nio.kz сайтындағы интернет олимпиадаға қатысып Назерке ІІІ дарежелі дипломмен, Қайратқызы Диана ІІ дәрежелі дипломмен марапатталды. 

Мектептегі білім беру үдерісіндегі барлық жұмыстың нәтижелі болуы, ұстаздардың сапалы білім мен саналы тәрбие беруінде. Әдістемелік жоспарда қамтылған осы мәселелерді әдістемелік пән бірлестіктері мен кәсіби қоғамдастық мүшелерімен бірлесе атқарылған семинарлар, мастер класс, коучинг сессиялардан көрініс береді. 3 айлық курс бітіріп келген мұғалімдер «Жаңа әдіс тәсілдерді қолдану» атты практикалық семинар өткізіп, мектеп тәжірибесіне өзгерістер енгізу қоғамдастық құру арқылы жүзеге асырылу керектігі жөнінде айтылып, бағдарламаның идеялары қоғамдастықта таратылады деген тұжырымға келдік. 3 айлық курсты өткен мұғалімдер мектеп мұғалімдеріне мектепішілік семинарда 7 модульмен таныстырды. Мұғалімдер өз тәжірибесіне 7 модуль элементтерін енгізіп, республика, облыс, аудан деңгейде ашық сабақтар көрсетті. Ақпан айының 2 жұлдызында «Абай – дана, Абай – дара ,қазақта»тақырыбында А.Құнанбайұлының 150 жылдығына арналған Республикалық семинар өтті. Алматы қаласындағы Республикалық «Өрлеу» Ұлттық орталығының курсанттары Қазақстанның әр облысынан келген басшылар қатысып, тәжірибе алмасты.

2015-2016 оқу жылында облыстық 4-11 қараша аралығында «Білім беру жүйесінде әр пән бойынша инновациялық технологияларды енгізу және ұстаздардың кәсіби құзыреттілігін арттыру» ғылыми конференция ұйымдастырылып өтті.

Қаңтар айының қысқы демалысында деңгейлік курстан өткен мұғалімдермен аудан көлемінде «Қысқа мерзімді жоспар құру» тақырыбында семинар өткізілді. Сәуір айының күзгі демалысында ҚМҚПИ – да өткен «Қазіргі кездегі білім беру мазмұнын жаңашаландыру мен жетілдірудің өзекті мәселелері» тақырыбында өткен республикалық семинарға тарих пәнінің мұғалімі Ислам Р.Т. , орыс тілі пәнінің мұғалімдері «Болашақ орыс тілі мен әдебиеті пәні мұғалімінің құзыреттілігін талқылау» тақырыбымен Аккалышева С.Қ., Карибаева Г.Ы. баяндамаларын қорғады.

Мектепішілік семинарлар келесі тақырыптарда өтті: 1.«Оқу мен оқытудағы жаңа әдіс-тәсілдерді пайдалану жолдары» семинар, 2.«Тәжірибелі ұстаздан дарынды шәкірт» дөңгелек үстел, 3.«Жаңа технология – жаңа оқытудың негізі» семинар, 4.«Заманауи сабақ тиімді сабақ» коучинг сессия,5.«Оқушы құзіреттілігін арттыруға жаратылыстану пәндерінің әсері», 6.«Үштілді тұлға қалыптастыру – заман талабы» дөңгелек үстел. 7. «Білім берудің жаңа технологияларын тиімді пайдаланудың педагогикалық мәні».