Өзін - өзі басқару құжаттары

Кәсіби сайыстар   2022-2023 о.ж

Мұғалімдердің іс-тәжірибесін бөлісу 

                                            Педагог мамандардың жеке авторлық тізімі

                                                   Мұғалім  шығармашылығының деңгейлік көрсеткіші  

Тұжырымдар мен ұсыныстар:

• Әдістемелік   жұмыс  шеңберінде  нәтижені   болжау,  мониторинг жүргізу, тәуекелдер мен оң сәттерді есептей білу қажет .
• Әдістемелік   міндеттерді  жүзеге асыру барысында келесі мәселелер анықталды:
• өзара сабаққа қатысу жұмыстарының деңгейі төмен
• басылым жұмысы ғана ұсынылған
• оқушылардың   ғылыми- зерттеу жұмысын ұйымдастыру   бойынша  мұғалімдердің жеткіліксіз  құзіреттілігі;
• мұғалімдердің инновациялық  режимде, эксперимент режимінде жұмыс істеуге дайындығын зерттеудің  нақты  көрінісі жоқ;
• Құзіретті   педагогика аясында  заманауи сабақты жобалай білуді үйрену;
• Өздігінен   талдау  және өзін-өзі бағалау арқылы сабақ мониторингы әдістерін меңгеру;
• Оқудың барлық   сатылары оқушыларының оқу   уәждемесін арттыру бойынша педагог қызметін жетілдіру.

Оқу   әдістемелік  жұмысы

  Мектеп  «Сапалы білім беру, білім сапасын көтеру, білім саласындағы олқылықтарды жою арқылы Қазақстанның болашағы  - зерделі тұлғаны қалыптастыру»мақсатын  негізге   ала  отырып  жұмыс   жасайды.  Мектепте  оқу-әдістемелік  құжаттары,   яғни  мемлекеттік  жалпы   білім  беру  стандарты   (ЖМБС),  типтік  және   жұмыс  оқу  жоспарлары   және  бағдарламалары  толық   жинақталған.

  Типтік  және   жұмыс  жоспарларының,  оқу   бағдарламаларының  мазмұны,  оқушылардың   оқу  жүктемесінің  көлемі   білім  стандартына  сәйкес.   Мұғалімдердің  күнтізбелік  жоспарлары   толтырылған,  мектеп  әкімшілігімен   бекітілген,  пән  бағдарламаларына  сәйкес.   Сабақ  жоспарлары  толық.   

  Мектепте  әдістемелік   қызметті  ұйымдастыру  мақсатында   әдістемелік  кеңес құрылған,  әдістемелік   кеңесті  құру  туралы    мектеп  әкімшілігінің  бұйрығы   бар.  Мектептің  әдістемелік   проблемасы  «Мұғалімдердің   оқыту  мен  оқу тәжірибесіне  жаңа   әдіс- тәсілдерді  енгізе  отырып,   мұғалімдердің  кәсіби шеберлігін арттыру,  оқушылардың   фукционалдық   сауаттылығын дамыту,  ұлттық  идеясы   жоғары  тұлға  қалыптастыру.Мектептегі  барлық  әдістемелік   жұмыс  жүйесі  әдістемелік   кеңестің  басқаруымен  жүреді.   (жетекшісі –  Д.М.Салимжанова  – директордың   оқу  ісі  жөніндегі   орынбасары). Әдістемелік   кеңестің  жұмыс  жоспары   құрылған, 5 отырыс  жоспарланған, хаттамалары  түгел.   Әдістемелік   кеңес  құрамына  10   пән  бірлестігі  кіреді.

  Оқу   жоспарларындағы  әрбір  пән   бойынша  оқу  сабақтарының   көлемі  толық  орындалды.   Пәндердің  оқытылуын  тексеру   мектеп  жоспарының  басқару   мен  басшылық  бөліміне   енгізілген.  Тексеру  қорытындылары   ДЖО-да  қаралып  отырады.

  Мектепте  қазіргі   заманғы   педагогикалық  технологияларды  және   оқытудың    жаңа  әдістерін,   оқушылардың  танымдық  ынтасын   белсендіру  тәсілдерін  енгізу   мақсатында  шығармашылық  топ   жұмыс  жасайды.  Шығармашылық   топ  құрамына   педагог зерттеуші  және педагог сарапшы    мұғалімдер   кіреді.  Мектеп  мұғалімдерінің  100 пайызы   инновациялық  технология  элементтерін   сабақта  жүйелі  қолданады.   Әдістемелік  онкүндіктерінде  пән   мұғалімдері  жаңа  технология   бойынша  тәжірибе  алмасады.

  Оқу   тәрбие  жұмысының  нәтижесі   бойынша  мониторинг  жасалып,   әр  тоқсан  сайын   педагогикалық  кеңесте  қаралып,   шешім шығарылады. 2022-2023 оқу жылындағы  білім   сапасы  61,1 пайызды  құрайды.

  Pisa халықаралық зерттеулерге   дайындық   педагогикалық  кеңесте қаралды. Жыл басында оқушылардың тізімі бекітілді. 

      Оқыту барысында тиімді әдіс-тәсілдерін пайдалана отырып, оқушылардың білім сапасын арттыру мақсатында.« Әр түрлі деңгейдегі  тапсырмалар арқылы  білім алушылардың  ақпаратты қолдану  дағдыларын   жетілдіру» атты коучинг, деңгейлік курстан өткен мұғалімдер тақырып бойынша шеберлік сабақтар көрсетті.  Мұғалімдер коучингтен, шебер сабақтардан  үйренген әдіс-тәсілдерін өз сабақтарында пайдалана білді. Өткізілген сабақтар барысында оқушылардың тақырыпты сыни тұрғыдан талдау қабілеттерінің әлсіздігі көрініс тапты. Бірақ дарынды және талантты оқушыларды оқытуға сабақ барысында көп мүмкіндік бар екендігі байқалды. Осыған орай келесі коучингті сыни тұрғыдан ойлаудың әдіс–тәсілдерін меңгерту мақсатында «Білім алушыларды  сыни тұрғыдан ойлауға  үйретудің тиімді жолдары» тақырыбында өткізу жоспарланды. Тақырыпты өз бетінше меңгерту барысында оқушылар өзінің және өзгенің біліміне сыни көзбен қарап, кемшіліктерін ескеруі қуантты. Өзін-өзі бағалау, топпен, жұппен бағалау кезінде өз білімінің қандай деңгейде екенін түсініп, ары қарай өзін-өзі реттеу дағдысы қалыптасып жатты. Жүргізілген жұмыстардың нәтижесінде оң өзгерістер көрсетті.

Әдістемелік жұмыс жүйесі бойынша қыркүйек  айында мектеп   бойынша    сабақ, факультатив, үйірме сабақтарының    кестелері жасалып,  Kundelik kz  ке  толтырылды.  

  Мұғалімдердің кәсіби білімі жетілідіруде  қыркүйек айында  Талғар   аудандық білім бөліміне мектеп мұғалімдері тарапынан 3 айлық курс және қысқа мерзімді курстан өту бойынша сұраныстар жасалды.

Мектептің  әдістемелік  бірлестігінің жұмысы

2.Дарынды оқушылармен жұмыс

           Жас өркеннің бойындағы табиғат берген ерекше қабілетті дарындылықты тани білу ерекше қиын іс. Алайда,әр баланың жеке қабілетін анықтап,оны сол бағытта жетелеу ұстаз парызы.

  Дарынды деп көпшіліктен ерекшеленіп тұратын балаларды айтамыз.Өмір сүретін ортасы мен берілетін тәрбиесі   ерекшелікті орап әрі дамыту немесе қабілеттерін ілгері дамыту,шығармашылықпен шұғылдануға баулу  ғылыми-зерттеу дағдыларын қалыптастыру.Біздің мектептің де ағымдағы жылы оқу-тәрбие жоспарында іс-шаралар жүргізілуде.

Биылғы 2022-2023 оқу жылының басында дарынды оқушыларды анықтап, оқушылардың қабілеті мен талабына сай жүргізілетін жұмыс жоспарлары құрылып бекітілді. Ағымдағы жылда  жылындағы мектебіміз түрлі аудандық, облыстық іс-шараларға қатысып белсенділік таныттты.Атап айтсақ, Республикалық 5-6 класс оқушыларына арналған математика пәні бойынша «Алтын сақа» олимпиаданың мектепішілік іріктеу кезеңі өткізілді. Іріктеу кезеңіне мектебімізден 6 аб сыныптарынан 8 оқушы қатысып, хаттама негізінде аудандық кезеңге 6 оқушы жолдама алды. 2 қараша күні  мектебімізде пәндік олимпиаданың  мектепішілік кезеңі өтіп,аудандық кезеңге 14 білім алушы жолдама алды. ҒҚЖҚ ғылыми зерттеу жұмыстарының ұйымдастыру барыс туралы тоқталды Қазіргі оқыту үрдісінің мақсаты оқушына жан-жақты қалыптасқан, бәсекелестікке бейім жеке тұлға  тәрбиелеу. Осыны еске ала отырып бастауыш сыныптардан бастап ғылыми жұмыстармен айналысқан дұрыс екендігін айтып өтті..

Оқушыларға ұсынылатын зерттеу жұмысының тақырыбы анық, мағыналы, қысқа, дәл болуы керек. Зерттеу жұмысының кезеңін үшке бөліп қарастыруға болады:

1. Зерттеу мәселелерін теориялық талдау. 
2. Эксперименталды зерттеу.
3. Зерттеу күнделік жүргізу.

Ғылыи зерттеуді жүргізу кезінде дұрыс ақпарат алу үшін бір емес бірнеше әдістер жиынтығы қолданылады. Тақырыпты ашу үшін жас зерттеушінің жеке күнделігі болуы керек. Мәліметтер мен деректер жинақтайды, тәжірбие жасайды, бақылайды, зерттейді.

Рәсімдеу жүйесі:

·Бет парақ

·Мазмұны

·Кіріспе

·Теориялық білімі

·Зерттеу бөлімі

·Қорыынды

·Пайдаланылған әдебиеттер тізімі

·Қосымша

Ғылыми жобаға келесі құжаттар қоса тіркелуі керек 

·Анномация (қазақ, орыс, ағылшын тілінде)

·Ғылыми жетекшінің жұмыс туралы пікір

·Зерттеу күнделігі

Сонымен қатар дарында балаларды анықтау мақсатында мектебімізде диагностика жүргізу жұмыстары жүргізілді.Нәтижесінде дарынды балалар   анықталып мұғаліммен біріккен жұмыс жоспарлары құрылып ,жұмыстар жүргізілуде. 28.10.2022ж.күні өткен аудандық   «Дарын»ғылыми конкурсқа мектебімізден 11 оқушы қатысты. Ағылшын тілі, Қазақстан тарихы,қазақ тілі пәні,биология,химияпәндеріннен 9-11 сынптардан бір-бір оқушыдан қатыстырылды.Қазақ әдебиет пәнінен 9 сынып оқушысы Молдалы Толғанай  бірінші орынға иеленіп обылыс көлеміне жолдама алды. 2. Аудандық  Зерде ғылыми жоба байқауына 4 оқушы қатысты.

Бастауыш оқушылары 3,4,7 сынып аралығында «Зерде» ғылыми-зерттеу жобасына қатысатын оқушылар тізімі жинақталды.

2022 – 2023    оқу жылындағы мектебіміз түрлі аудандық, облыстық   республикалық іс-шараларға қатысып белсенділік танытты.

Шешім:

1. Әдістемелік жұмыс бойынша    2022-2023 ж оқу жылы  жұмыс нәтижесі  қанағаттанарлық деп танылсын. 

2. Дарынды балалармен жұмыс жүргізу барысында келесі оқу жылында оқушылар көптеп қамтылсын

3. Іс-әрекетті зерттеу жұмыстары   барысында педагог-зерттеуші, педагог-сарапшы, педагог-шебер біліктілік санаттарын алған мұғалімдер  толық қамтылсын. Деңгейлік курстан , тренерлік курстан  өткен   педагогтардың зерттеу жұмыстарының   жүргізілуі жандандырылсын. 

Оқушылардың ыстық тамақпен қамтылуы, көмек берілуі туралы.

           2021-2022 оқу  жылының   соңында 25 маусымда Талғар аудандық Білім бөлімінің басшысына әлеуметтік нысандағы оқушыларға қала сыртындағы жазғы лагерьге жіберуге Сұраныс берілді. Қамқоршылық кеңестің отырыснда әлеуметтік педагог Ж.Алимбекованың баяндауымен ата-ана қамқорлығынсыз қалған 8 «Ә» сыныбынан Нұрсағат Диас, көпбалалы отбасынан 6 «Г» сынып оқушысы Фархатұлы Ильзат, көпбалалы отбасынан 8 «Д» сынып оқушысы Сіргелі Ақторғын, аз қамтылған отбасынан 7 «Е» сынып оқушысы Рыскелді Жәңгір, көпбалалы отбасынан 6 «Е» сынып оқушысы Қуандықұлы Мейіржанға кеңес төрағасы қала сыртындағы лагерьге баруға   шешім шығарды. Қала сыртындағы   жазғы легерьге Жамбыл ауданында орналасқан «Tau Lend» жазғы сауықтыру орталығына әлеуметтік нысандағы бес оқушы барып он күн бойы демалып  қайтты.   Жалпы білім беру қорынан қала сыртында демалуға арналған қаржы әр балаға 80000 теңгеден айналды.

Жалпы білім беру қорынан киім, аяқ киім, мектеп-жазу керек жарақтарын сатып алуға  Қазақстан Республикасы Үкіметінің 2008 жылғы 25 қаңтардағы №64 Қаулысы бойынша оқушыларға үлестірілді. №64 Қаулы бойынша:

1. Мемлекеттік атаулы әлеуметтік көмек алуға құқығы бар отбасылардан шыққан балаларға;
2. Мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға;
3. Жетім балаларға, ата-ана қамқорлығынсыз қалып, отбасыларда тұратын балаларға;
4. Төтенше жағдайлардың салдарынан шұғыл жәрдемді талап ететін отбасылардан шыққан балаларға;
5. Білім беру ұйымының алқалы басқару органы айқындайтын білім алушылар мен тәрбиеленушілердің өзге де санаттарына ( бұдан әрі – білім  алушылар мен тәрбиеленушілер) қаржылай және материалдық көмек көрсетуге бөлінетін қаражатты қалыптастыру, жұмсау бағыты мен есепке алу тәртібін айқындайды. 

Қамқоршылық кеңес білім беру ұйымының алқалы басқару органы болып табылады.

Осы тізім бойынша ата-аналардан  өтініш қабылданып құжаттар жинақталды. 1-11 сыныптар бойынша 209 баланың ата-анасынан өтініш қабылданып қаржылай көмек көрсетілді. Қаржылай көмек бір балаға 37500теңгеден қарастырылды. Жалпы 209 балаға 7 837500тг қаражат берілді.

 2022-2023 оқу жылына  бір мезгіл берілетін тегін ыстық тамаққа 1-11 сынып оқушылар аралығында 209 оқушыға жалпы білім беру қорынан ақша бөлініп отыр. тегін ыстық тамаққа №64 қаулы бойынша құжаттар жиналады. Өтінішті тамыз айының 27-сі мен 31 аралығында қабылданады.

Мектептегі тәрбие жұмысы

     Тәрбие жұмысының тақырыбы:

     «Жас жеткіншектердің бойында азаматтық пен Қазақстандық патриотизмді қалыптастыру, мемлекеттік рәмізін құрметтеуге, халық дәстүрлерін дәріптеуге тәрбиелеу»

      Тәрбиенің басым бағыттары:

 Жалпыадамзаттық және ұлттық құндылықтар тұтас педагогикалық процестің өзегі бола отыра, тәрбие жұмысының барлық бағыттары арқылы өтеді.

1.Қазақстандық патриотизм және азаматтық тәрбие, құқықтық тәрбие

2. Рухани-адамгершілік тәрбие

3. Ұлттық тәрбие

4.Отбасы тәрбиесі

5.Еңбек, экономикалық және экологиялық тәрбие

6.Көпмәдениетті және көркем-эстетикалық тәрбие

7.Зияткерлік тәрбие, ақпараттық мәдениет тәрбиесі

8.Дене тәрбиесі, салауатты өмір салты

      Тәрбие жөніндегі кешенді бағдарлама облыс, аудан көлеміндегі бұйрықтар алынып, жылдық тәрбие жұмысының жоспары талапқа сай жасалынып, бекітілген. 

Мектептің алға қойған мақсаты: ашық ақпараттанған, әлеуметтік жағынан мығым,  танымдық және шығармашылық әрекетке білімді ортаны дайындау арқылы оқушылардың  жеке тұлға ретінде өзін-өзі дамыту, өзін-өзі танытуын ұйымдастыру.   

Өзекті мәселесі: Мектептегі тәрбие жұмыстарын жаңа технологияларды пайдалана отырып, дамыту.  Дені сау, ұлттық сезімі оянған, рухани ойлау дәрежесі биік, еңбекқор, білімді, алдына мақсат қойып, оған жетер жол таба білетін ұрпақ тәрбиелеуге жағдай жасау.

Міндеттері:

•      Тәрбиелеу және дамытушылық іс-әрекетін ұйымдастыру;

•      Құзіреттілікті қалыптастыру және дамыту;

•      Оқушының жеке тұлғасының қалыптасуына көмектесу, оның ішкі  

         мүмкіншілігі, бейімділігі, мақсат-мүдделері мен шығармашылық  

         қабілеттерінің байқалуы мен қалыптасуына жағдай жасау.

•      Ел президентінің «Қазақстан 2050» жолдауын жүзеге асыру.

•      Жас мамандардың жұмысына жан-жақты әдістемелік көмек беру;

•      Қылмысты болдырмаудың алдын алу мақсатында сынып жетекшілері  

        мен ата-аналарының жұмысын жетілдіру, сынып жетекшілерінің   

        кәсіби деңгейлеріне зерттеу жұмысын жүргізу,

•      Мұғалім беделінің артуына жағдай жасау, озат тәрбиені кеңінен  

        насихаттау, тарату;

•       Еліміздің тағдырын мықты қолда ұстай алатын болуы үшін дұрыс  

        кәсіптік бағдар беру.

1. Қазақстандық патриотизм және азаматтық тәрбие, құқықтық тәрбие.

Мақсаты: Жаңа демократиялық қоғамда өмір сүруге қабілетті азаматты және патриотты; тұлғаның саяси, құқықтық және сыбайлас жемқорлыққа қарсы мәдениетін; балалар мен жасөспірімдердің құқықтық санасын, оларда балалар мен жастар ортасындағы қатыгездік пен зорлық-зомбылыққа қарсы тұру даярлығын қалыптастыру.   

      Осы қойылған үлкен мақсаттарды жүзеге асыру үшін мектеп педагогтарының алдында тәрбие жұмысының орындалуға тиісті үлкен міндеттері тұр.

      2022   жылдың  қыркүйек  айының 1-ші жұлдызында «Білімге ұмтылу, еңбексүйгіштік және отаншылдық» тақырыбында   «Армысың, алтын ұя мектебім!»   салтанатты жиыны өткізілді.  Жиын таңғы сағат 9-00 де басталды. Жиын Қазақстан Республикасының Гимні орындалуымен басталды. Салтанатты жиынға мектеп оқушылары, ата-аналар, ұстаздар, арнайы шақырылған қонақтар қатысты. Жиын барысында мектеп директоры Карибаева Гүлбаршын Ыдырысқызы сөз алып жиналған көпшілікті жаңа  оқу жылының басталуымен құттықтады. Ата-аналар комитетінің басшысы Солтанкуклова Нұршахан, ардагер ұстаз Тамашаева Алия Тамашаевна, директордың оқу ісі жөніндегі орынбасарлары Салимжанова Динара Майлыбаевна, Кульшашарова Мөлдір Ануаровна   сөз алып, жас шәкірттерді оқу жылының басталуымен шын жүректен құттықтады. Өткен оқу жылына есеп беріліп, жаңа оқу жылындағы жаңа бастамалар жөнінде айтылды. Бірінші сыныпқа келіп, мектеп табалдырығын аттаған балғын шәкірттер өздерінің жыр шумақтарын арнап, үлкен аға-әпкелерінен сыйлықтар алды. Сыңғырлата қоңырау соғып, мектеп табалдырығын алғаш қадам басты жас шәкірттер. Жиын барысында 8 сынып оқушылары әсем билерімен көрерменнің ыстық ықыласына бөленсе, 3 «А», «В» сынып оқушыларының орындауында керемет әндер шырқалды. Мектеп ауласы жиынға орай баннерлер, шарлар, жалаушалармен безендірілді.

Барлық сыныптарда білім күніне орай ашық сынып сағаттары өткізілді. 

       2022-2023 оқу жылында мектептегі жалпы оқушы саны – 2161, сынып саны – 87, ата-ана қамқорлығынсыз қалған оқушы саны - 11, жетім бала саны – 4, жартылай жетім (әкесі жоқ) отбасы саны – 42, ондағы оқушы саны – 63, жартылай жетім (анасы жоқ) отбасы саны – 10, ондағы бала саны – 20, толық емес (ажырасқандар) отбасы саны – 91, ондағы оқушы саны – 160, аз қамтылған отбасы саны – 93, ондағы оқушы саны – 173, көп балалы отбасы саны – 361, ондағы оқушы саны – 657, сәтсіз отбасы саны – 1, ондағы оқушы саны – 2, ОДН есебінде – 0, мектепішілік «қатер тобы» есебінде – 2 оқушы.   

          2022 жылдың 1-ші қыркүйек күні 8-11 сынып оқушылары арасында құқық бұзушылықтың алдын алу мақсатында Талғар АПБ-нің ТБ тергеушісі, полиция аға лейтенанты А.Ерланов және Талғар АПБ ЖПҚБ ЮПТ аға УПИ полиция майоры А.Касымбекова зорлық – зомбылықтың алдын алу, түнгі мезгілде заңды өкілсіз көшеде жүрмеу, әкімшілік құқық бұзушылық кезінде қолданылатын баптар, есірткіден сақтану шаралары, зиянды әрекеттердің алдын алу бойынша және Қазақстан Республикасының Коституциясының әр бөліміне тоқталып,  түсіндіру жұмыстарын жүргізді.  

     2022 жылы қыркүйек айының 8-ші жұлдызында № 1 Құқық бұзушылықтың алдын алу Кеңесінің кезекті отырысы өткізілді. Кеңесте оқушыларды мектепішілік бақылауға қою және шығару мәселесі қаралды. Сол себепті, 8 «Г» сыныбының жетекшісі Г.Рысқұлованың ұсынысы бойынша И.Самопал мен Д.Ходжаметовтың тәртіптері қаралды. Ата-аналары шақыртылды. Кеңес шешімі бойынша жоғарыда аталған оқушылар сабақты жүйелі түрде себепсіз босатқандықтан мектепішілік бақылауға алынып, тәлімгер тағайындалды. 

       2021-2022 оқу жылының басында мектептің тәрбие жұмысының мақсаты мен міндеттерін шешу үшін мектептің тәрбие жұмысының жоспары, Талғар АПБ ЖПҚБ ювеналды полиция тобымен бірлесе атқаратын жұмыс жоспары, сыныптарда тәрбие жұмысын күнтізбелік-тақырыптық жоспары,  құқық бұзушылықтың алдын алу Кеңесі жұмысының жоспары жасалды. Жоспарға сәйкес жұмыстар жүзеге асырылды. 

      Қыркүйек айының басында 1-11 сынып жетекшілері мен ДТЖІО Н.Наурызбаева мен М.Альменова мектеп оқушылары арасында «Мектеп жарғысымен» таныстырып, түсіндіру жұмыстарын жүргізді. 

     Жаңа оқу жылының басталуы қарсаңында балалардың қауіпсіздігін сақтау мақсатында Талғар ауданы аумағында 2022 жылдың 22 тамыз – 12 қыркүйек аралығында «Абайлаңыз балалар!» атты жедел алдын алу іс-шарасын өткізу жоспарланған.

Сол себепті №36 жалпы білім беретін орта мектебінде 2022 жылдың 1-ші қыркүйек күні Талғар АПБ ЖҚПБ ЮПТ УИП полиция майоры, мектеп инспекторы А.Касымбекова балалардың жол – көлік жарақаттануының алдын алу бойынша оқушылар арасында түсіндіру жұмыстарын жүргізді.  

     Оқушылар арасындағы тәртіп бұзушылықты болдырмау, мінез-құлықты оқушылармен жұмыс жүргізу арқылы тәртіп бұзушылық пен қылмыс жасаудан сақтандыру.

Тәрбие жұмысын жүргізу дегеніміз – алға қойылған мақсатқа жетудің жолы, әдісі. Тәрбие әдісі – мұғалімдер мен оқушылардың ұйымдасқан тәрбие үрдісінде оқушылардың мақсатты бағытта қалыптасуын жүзеге асыратын күрделі іс –шаралар.

        2022-2023 оқу жылында  мектептегі тәрбие жұмысының жоспарын басшылыққа алып, тәрбиесі нашар оқушылармен тереңдетілген жұмыс жүргізіліп, «Құқық бұзушылықтың алдын-алу» мақсатында мектепішілік бұйрығы шығарылды, тәртіп бұзушылықтың алдын-алу кеңес мүшелері құрылып, олардың алдына мақсаттар мен міндеттер жүктелді. Тәртіп бұзушылықтың алдын-алу кеңесіне мүше болып мектеп басшылары, мұғалімдер, психологтар, «жасөспірімдер арасындағы жұмыс» бөлім инспекторы, ата-аналар комитетінің мүшелері және сынып жетекшілері осы кеңестің белді мүшесі екені таныстырылды. 

        Оқушылардың өмір қауіпсіздігін сақтау, жол-көлік оқиғаларының алдын-алу мақсатында    мектебімізде  2022 жылдың 5-15 қыркүйек аралығында  жылдық жоспарға сәйкес «Жол жүру ережелерін еске түсіреміз!» тақырыбында ЖЖЕ онкүндігі өтті.                                            

    Онкүндіктің іс-шаралар жоспары жасалынып, бекітілді.

    Онкүндік мақсаты: Жолда жүру ережесін есте сақтауға, оқушыларға жол белгілерінің неше түрі бар, оны білу не үшін қажет, бағдаршамның, жол белгілерінің атқаратын қызметі қандай екенін үйрету. Жолда жүру мәдениетіне үйретіп сақтыққа, зейінділікке, ұқыптылыққа тәрбиелеу. Еңбексүйгіштікке және адалдыққа тәрбиелеу.       

     2022 жылдың 5 қыркүйек пен  15 қыркүйек аралығында жолда жүру ережесіне орай «Абайла балақай» тақырыбында 1-11 сынып оқушылары арасында іс-шара өтті. Оқушылардың үйден   мектепке дейінгі жолдарының сызбасы сыздырылып, оқушыларды ережелермен таныстырды. 5-8 сынып оқушылары арасында «Жолда жүру ережесін білеміз бе?» тақырыбында шығармалар   ұйымдастырылды.   Көшеде жүру және аялдамада өзін-өзі ұстау, автобусқа міну ережесіне байланысты тәрбие сағаттары 1-8 сыныптар арасында өтті. «Өзін-өзі басқару» ұйымы бастауыш сынып оқушыларын жолда жүру ережесімен таныстырып,  жол белгілерін көрсетіп, түсіндірме жұмыстарын жүргізді. «Жолда жүру тәртібін, жадыңда ұста жас ұлан!» тақырыбында 5-8 сынып оқушылары арасында түсіндірме жұмыстары жүргізілді. ««Көшеде сақ бол!» тақырыбында 1-4 сыныптар арасында әңгімелесу жұмыстары жүргізілді. «Жол әліппесі — денсаулық жолы»  ІІБ ЖПҚ ЖППР   мен түсіндіру жұмыстарын жүргізу. «Абайла балақай» тақырыбында 3 «Ж» сынып оқушылары арасында сурет байқауы өтті. Сурет салу байқауында ерекше суреттерімен танылған оқушылар мараппатталды. Олар: Берік Рамазан, Аманбай Ақбота, Бақтияр Інжу, Тұрсынжан Аят, Садувакас Мөлдір, Совет Алимансур, Жұмабай Ерасыл.Онкүндік барысында викториналар, семинарлар, тренингтер, сыныптан тыс іс-шаралар  ұйымдастырылды.     5.09.2022ж. «Жол жүру ережелерін еске түсіреміз!» онкүндігі аясында «Жол белгілері еліне саяхат» тақырыбында 2-ші сынып оқушыларының қатысуымен сурет салу акциясы ұйымдастырылды.

        2-ші сынып жетекшілері Жылгелді А., Уалиева А., Есанбаева С., Абдукаримова С., Алтынбекова П., Баймұрзаева А., Шажабаева С., Рустемрва А., Конакбаева Ж. оқушыларға жолда жүру ережесі бойынша танымдық сабақтар өтіп, сурет салу акциясының жоғарғы деңгейде өтуіне белсене  атсалысты. 6.09.2022ж. «Жолда жүру ережесін білеміз бе?» тақырыбында мектеп инспекторы мен сынып жетекшілер бірлесе түсіндірме жұмыстарын жүргізді.

7.09.2022ж. 1-4 сынып жетекшілері «Назар аударыңыз, бағдаршам!», «Жол белгілері еліне саяхат», «Өтер жолда абай бол!» тақырыптарында сынып сағаттарын өткізді. 

    5-6 сынып жетекшілері «Жол белгісін білейік, аман-есен жүрейік», «Сақтық саулық негізі» тақырыптарында сынып сағаттары өткізілді.

     7-8 сынып жетекшілері «Басталар әр қадамың аттауменен, жол жүру ережесін сақтауменен», «Өмірімізді сақтайтын бағдаршам»   тақырыптарында сынып сағатын өткізді.

      Іс-шаралардың өткізілгендігі туралы мәлімет жазылып, фото есеп мектептің әлеуметтік парақшасына жүктелді. 

     Мектебімізде 1 қыркүйек 2022 жылдан бастап «Сенім жәшігі» орналастырылды. Сенім жәшігінің жалпы ережесі келесідей: оқушылардың және   ата-аналарының немесе оларды алмастыратын тұлғалардың жазбаша өтініштерін қарайтын «сенім жәшігінің» жұмысын реттейді. «Сенім жәшігі» мектептің І қабатының фойесінде орналасқан.

Осы ереже педагогтардың   оқушылар мен ата-аналарының немесе оларды алмастыратын тұлғалармен тығыз байланыста болу мақсатында жасалған.

Өтініш өтініш берушінің аты-жөнімен, барлық байланыс телефондарымен жазылу мүмкін, сонымен қатар жасырын түрде де болады.

   «Сенім жәшігі» жұмысының негізгі міндеттері:

1) оқушының құқығы бойынша берілген  өтініштерін жедел түрде тіркеу және қарау, сонымен қатар  мектептегі оқу-тәрбие жұмысының жүргізілуіне ұсыныс білдіру. 

2) өтініштерді қарау ҚР заңнамасына сай шараларды қабылдау;

3) сенім жәшігініе келіп түскен өтініштерді талдау, өтініштегі мәселені болдырмау мақсатында шаралар қолдану;

4) оқушының мәселесін жедел түрде шешіп, қарастыру.

   «Сенім жәшігі» жұмысын ұйымдастыру тәртібі 

3.1. Сенім жәшігінің жұмыс уақыты ақпараттық қабырғаға ілінеді, сонымен қатар мектептің сайтында жарияланады және әрбір оқушыға «сенім жәшігі» туралы ақпарат беріледі. 

3.2. Сенім жәшігіне өтініш беру жұмыс күндері сағат 08.00.-19.00.дейін жүргізіледі. 

3.3. Өтініштерді   күнделікті әлеуметтік педагог сағат 17.00.-де алады.

3.4 Әлеуметтік педагог өтініштерді алып педагог-психологпен, ДТІЖО  бірге қарастырады. 

3.5. Өтініш 5 күнде қарастырылады. 

  Өтініштерді қарау:

4.1. Келіп түскен өтініштерді, ұқсас өтініштермен қосып қарастырады. 

4.2. Қарастырылған өтініштер кәмелетке толмағандардың құқықтарын қорғау және оладың ісі жөніндегі комиссияға қарауға жіберіледі. 

4.3. Комиссия қажет болған жағдайда алдын-алу органының маманын жұмысқа тартады. 

    Жауапкершілік: 

5.1. «Сенім жәшігіне» келіп түскен ақпараттармен жұмыс істейтін жауапты тұлғалар өтініштердің құпия түрде сақталуына жауапты. 

      2022 жылдың 20-шы қыркүйегінде 1-11 сынып оқушыларымен «Мектеп жарғысы, оқушылардың мінез-құлық ережелері» тақырыбында сынып сағаттары өткізілді.

     2022-2023 оқу жылының қыркүйек айының 7-ші жұлдызында Талғар АПБ ЖПҚБ ЮПТ аға УПИ полиция майоры  А.Касымбекова 1-11 сынып оқушылары арасында кездесу өткізді. Кездесу барысында мектептің ішкі тәртібі туралы айтып, оқушылардың құқықтық білімдері және заң алдындағы жауапкершіліктерін арттыру мақсатында, жасөспірімдерді қылмыстық әрекеттерден өздерін аулақ ұстауға шақырды. Қылмыстық жауапкершіліктің түрлерімен таныстырды.     

        Жасөспірімдер арасындағы құқық бұзушылық пен қылмыс жасау бүгінгі қоғамның күн тәртібінен түспейтін мәселе екендігі туралы айтты. Сонымен қатар, ҚР ӘҚБтК-нің 442, 434, 441, 440, 127, 133, 132, 435 баптары түсіндіріліп, үй-жайдан тыс жерде түнгі мезгілде жасы кәмелетке толмағандардың заңды өкілсіз жүруге болмайтыны да, мектеп формасын сақтау туралы, сабақтан себепсіз қалмау керектіктері туралы кеңінен түсіндіріліп, қылмыстың алдын алу, баланың дұрыс емес жолға түсуі, ата-ананың, мектеп пен мектеп инспекторларының бірлескен жұмысы екендігі туралы ескертті.       

     Сонымен қатар 2022 жылдың 5-ші қыркүйек күні мектептің ішкі тәртібіне бағынбаған оқушылармен және олардың ата-аналарымен алдын алу жұмыстары жүргізілді.

     Оқушыларды құқықтық мәдениетке тәрбиелеу мақсатында мектеп бойынша оқушылар арасында мектеп ережесін, тәртіп бұзатын оқушылармен жұмысты күшейту, алдын-алу жұмыстарын ұйымдастыратын  «Жас инспекторлар» тобы жұмыс атқарды. 

Сонымен қатар мектебімізде «Полицияның жас көмекшілері» тобы құрылып, жұмыс жасайды. 

Мақсаты:

- Кәмелетке толмағандар арасындағы құқық бұзушылықтың, қараусыздықтың алдын алу;

- Сабақтан тыс уақытта балалар мен жасөспірімдердің демалысы мен сауықтырылуын ұйымдастыру;

- Заңға мойынсұнушылық пен салауатты өмір салтын насихаттау;

- Ішкі істер органдарында қызмет етуге кәсіби бағдар беру, дайындау;

- Отанға деген сүйіспеншілік, патриотизмді, ұлттық сананы қалыптастыру;

- Түрлі жастағы балаларды бірге және ашық түрде іс-әрекет жасауға үйрету.

Міндеттері:

- Балалар арасындағы нашақорлық пен құқық бұзушылықтың алдын алуда көмек көрсету;

- Басқа да қоғамдық ұйымдармен ықпалдасу, мектептерде қолданыстағы заңнамалармен нормативтік актілерді насихаттауда еріктілер жұмысын ұйымдастыру;

- Ішкі істер органдарының техникалық құралдарымен танысу, олардың біліктілігі мен шеберлігін меңгеру.

     Бақылауда тұрған оқушыларға арналған жеке папкалар мен күнделікті бақылау дәптерлері жүргізіледі. Тағайындалған тәлімгерлер де жұмыс 

жасады. Психологтар оқушылармен зерттеу жұмыстарын жүргізіп отырады.  

        Олардың бекітілген жұмыс жоспары бар, топ басшылары бар, айына 1 рет отырыстары болып тұрады. Мектеп инспекторымен бірлескен   оқушыларға құқықбұзушылықтың алдын алу жұмыстары бойынша түсіндіру жұмыстары және «бопсалау, ақша жинау» мәселелері бойынша жасырын сауалнамалар алу жұмыстары жүргізіледі. 

       Аталған топты жоғары сыныптардың көшбасшылық қабілетімен ерекшеленген 8 оқушы біріктіреді. Әрқайсысының алдында арнайы жұмыс қызметтері де бар. Жалпы оқушылардың жас ерекшелігіне сай бос уақытын тиімді өткізуде мектепте үйірмелер мен қосымша тәрбиелік мазмұнды шаралар, спорттық сайыстар, тренингтер, сондай – ақ,  құқықтық кеңесі мүшелері, мектеп инспекторының қатысуымен бірлескен түрде кезекшілік рейдтер дағдылы өтеді. Бұл топ мүшелері - осындай игі шаралардың негізгі ұйтқысы.

Мақсатты жұмыстардың нәтижесі мектептегі құқықтық тәрбие бағытындағы жұмыстардың жақсы жемісін беріп отыр. 

     Кәмелетке толмаған жеткіншектердің күнделікті өмір тіршілігін көзбен көру, мектепке барғанын қадағалау, ата-анасының үнемі назарында болуын тексеру – әр мектеп директорының тәрбие ісі жөніндегі орынбасарының, мектеп инспекторының, әлеуметтік педагогтың, сынып жетекшілердің және мектеп психологтарының маңызды қызметтерінің бірі. Сол себепті 2022-2023 оқу жылында «қатер» тобындағы және мектепішілік бақылау есебінде тұратын оқушылармен және олардың ата-аналарымен үнемі байланыс жүргізіліп отырады. 

        Мектебіміздің 5-11 сынып оқушылары арасында «Адал Ұрпақ» ерікті мектеп клубының қызметі ұйымдастырылды. «Адал Ұрпақ» ерікті мектеп клубтарын, әдетте, жалпы білім беру мектеп басшылығының, сыныпқа жетекшілік ететін педагогикалық қызметкерлердің қолдауымен негізгі орта және жалпы орта білім беру бағдарламалары бойынша оқитын балалардан   қалыптастырылды. Оқушылардан құралған «Адал ұрпақ» ерікті мектеп клубының жұмыс жоспары бекітілді. 5-11 сынып оқушылары арасындағы «Адал ұрпақ» ерікті мектеп клубына жауапты мұғалімдер: Калыбекова А.  және Талғарбекова Г. тағайындалды.

       Сыбайлас жемқорлыққа  қарсы мәдениетті қалыптастыру бойынша модельдік  тәрбие жұмысының жоспары «Адал ұрпақ» бағдарламасына сәйкес  ар-ұят, абырой, жауапкершілік, адалдық, әділеттілік сияқты қасиеттерді насихатау мақсатында  төменгі жұмыстар ұйымдастырылып өтілді:  5-6 сынып оқушылар арасында  театрландырылған қойылым  ұйымдастырылды. Театрландырылған қойылымды ұйымдастыру  мақсатымыз оқушыларды азаматтылыққа, отансүйгіштікке, адамның құқықтарын, бостандықтарын және міндеттерін құрметтеу, адамгершілік сезімдер мен этикалық сананы, сыбайлас жемқорлыққа төзбеу мәдениетін, еңбексүйгіштікке, оқуға, еңбекке, өмірге жасампаздықпен қарауға тәрбиелеу. Театрландырылған қойылымның тақырыбы « Жемқорлыққа жол жоқ!».   5 «Ә»,6 «Ә», 5 «Б», 6 «А»  сыныптар арасында театрландырылған қойылым байқауында «Ерекше қойылым» номинациясын  5 «Ә» сыныбы иеленді.  Сыбайлас жемқорлықпен күресу – жеке және мемлекеттік мүдделерді реттей отырып, қоғам болып жүзеге асыратын өте жауапты да маңызды шара болып табылады. «Ғасыр дертіне» айналып бара жатқан проблеманы дер кезінде ауыздықтау – қоғам өмірінің өсуінің, дамуының бірден-бір кепілі болмақ,өте шыншыл бол, үйренгенді сүйе біл деп оқушылар өз ойларын  қорытындылады. 

      Қазан-қараша айында, үнемі жаңартылып тұратын «Парасатты азамат» бұрышы ұйымдастырылды. Бұрыштардың басты мақсаты азаматтылыққа, отансүйгіштікке, адамның құқықтарына, бостандықтарына және міндеттеріне құрметті, адамгершілік сезімдер мен этикалық сананы, сыбайлас жемқорлыққа төзбеу мәдениетін, еңбексүйгіштікке, оқуға, еңбекке, өмірге жасампаздықпен қарауға тәрбиелеу болып табылады.

      2022 жылдың 14-15 қараша күндері 5-7 сыныптар арасында «Мен сыбайлас жемқорлыққа қарсымын» тақырыбында суреттер байқауы өткізілді. Байқау жеңімпаздары мақтау қағаздарымен марапатталды. 

      30 қараша күні 1-11 сыныптарында «Тәуелсіздікке жол - азаматтыққа және патриотизмге тәрбиелеу» бірыңғай сынып сағаттары өткізілді.    

    13 желтоқсан 2022 жылы ҚР Тәуелсіздік күніне орай, «Тәуелсіздік – бәрінен қымбат» тақырыбында 1-4 сыныптарда тәрбие сағаттары, ал 6-9 сыныптарда пікір алмасу алаңы өткізілді.  

     Желтоқсан айында 10 сынып жетекшілері ҚР Тәуелсіздік күніне арналған мектепішілік іс шара ұйымдастырды.

      Желтоқсанның 6 жұлдызында Талғар қаласында «Адал ұрпақ» ерікті мектеп клубының мүшелері арасындағы жарыс ұйымдастырылды. Бұл сайысқа ауданымыздағы 24 мектептен «Адал ұрпақ» ерікті мектеп клубының мүшелері қатысты. Сайыс 3 турдан өтті: 1. Таныстыру; 2. Сахналық қойылым; 3. Сұрақтарға жауап беру. Біздің мектептің «Адал ұрпақ» ерікті мектеп клуб мүшелері Талғар ауданындағы 24 мектептің ішінен оза шауып жүлделі 2 орынды иеленді.

       Жартыжылда бір рет «Біз жемқорлыққа қарсымыз» атты тақырыпта 5-8, 9-11 сыныптар арасында ата-аналар жиналысы өткізілді. Жиналыс барысында құқықтық тәрбиелеуде және құқықбұзушылықтарға, оның ішінде сыбайлас жемқорлыққа, төзбеу мәдениетін қалыптастыруда отбасының рөлін көрсету. Ата-аналарға балаларда құқықты, заңдарды, құқылық тәртіпті құрметтеуге тәрбиелеу бойынша практикалық ұсыныстар берілді. Қаңтар айында 9-11 сынып оқушылары арасында «Қоғамдық тәртіп негіздері» тақырыбында пікірталас ұйымдастырылып өткізілді. Пікірталас барысында оқушыларға өз пікірін айту ұсынылды. Қатысушылар 2 топқа бөлінді. 

1-тапсырма. «Құқық бұзушыларға мүлдем төзбеушілік» мағынасын ашу. 

Неге «тәртіпсіздікке мүлдем төзбеушілік» мәдениетін құру мұнша маңызды болып табылады?.

2-тапсырма.«Сыбайлас жемқорлық-қоғамның және мемлекеттің мемлекеттік қызметшіге артқан сенімін көтеру» пікірін негіздеу. Әр адам не істей алады? Сыбайлас жемқорлықсыз мемлекет қандай болады?

      Ақпан айында 5-10 сынып оқушылар арасында «Мемлекеттік қызмет-өмірлік ұстаным» тақырыбында мемлекеттік қызметшілермен кездесу ұйымдастырылды. Кездесу барысында құқықтық мемлекеттің негізгі қағидаттарын, сондай-ақ біздің елімізде құқықтық мемлекеттің қалыптасу ерекшеліктерін талқылау ұсынылды.

      Наурыз айында 5-11 сынып оқушылар арасында «Адал және сатылмайтын еңбек бейнесі» оқушылар арасында сурет байқауы өткізілді. Жалпы азаматтың құндылықтарын кеңінен насихаттау, оқушыларды еңбексүйгіштікке, адалдыққа баулу.

     Сәуір айында 7-9 сынып оқушылар арасында «Білім беру ұйымдарында балаларға арналған ар-ұят, жауапкершілік, адалдық, әділеттілік сияқты қасиеттерді насихаттайтын театрланған қойылымдар» ұйымдастырылды. Мектеп оқушыларын әділдікке, отансүйгіштікке баулу.

     Мамыр айында 8-10 сынып оқушылары арасында «Мемлекеттік қызмет-елдің мүддесіне адал еңбек» шығарма байқауы ұйымдастырылып өткізілді. Өскелең ұрпақтың арасында мемлекеттік қызметті елдің мақсаттары мен даму басымдығын іске асыруға, әрбір азаматтың мүддесі үшін адал қызмет ету  және күнделікті қажеттілігін қанағаттандыруға бейімделген маңызды институт ретінде түсінуін қалыптастыру. 

«№36 жалпы білім беретін орта мектебі» коммуналдық мемлекеттік мекемесінде 2023 жылдың мамыр айының 17-24 аралығында «Жасөспірім» атты кең көлемде  жедел-профилактикалық іс-шарасы өткізілді. 

         Осыған орай, 8-11 сынып оқушылары арасында құқық бұзушылықтың алдын алу мақсатында Талғар АПБ ЖПҚБ ЮПТ мектеп инспекторы Г.Кенжемуратова құқық бұзушылық туралы, зорлық – зомбылықтың алдын алу, түнгі мезгілде заңды өкілсіз көшеде жүрмеу, әкімшілік құқық бұзушылық кезінде қолданылатын баптар, есірткіден сақтану шаралары, зиянды әрекеттердің алдын алу бойынша және     

         Қазақстан Республикасының Коституциясының әр бөліміне тоқталып,  түсіндіру жұмыстарын жүргізді. Сонымен қатар 11 сынып бітірушілеріне мамандық таңдауға көмектісіп, ҚРІІМ оқу орындары туралы ақпарат берді. 

          2022-2023 оқу жылының соңында сәтсіз отбасы саны – 1, ондағы оқушы саны – 2. Талғар аудандық ОДН есебіне оқушы тіркелген жоқ. Тәуекел тобындағы оқушы саны – 4, мектепішілік бақылаудағы оқушы саны – 7. 

            Олар:

1.      Самопал Иван Викторович 8 «Г» сынып оқушысы

2.      Ходжаметов Данил Маратұлы 8 «Г» сынып оқушысы

3.      Советжан Абылайхан  8 «Б» сынып оқушысы

4.      Марат Ақжол 9 «Б» сынып оқушысы

5.      Еркінбекұлы Бауыржан 9 «Б» сынып оқушысы

6.      Нұрғали Нұрбақыт 9 «Д» сынып оқушысы

7.      Тойбазаров Алижан 9 «В» сынып оқушысы

     Қазақстан Республикасының әкімшілік құқық бұзушылық туралы кодексі бойынша «№36 жалпы білім беретін орта мектеп» коммуналдық мемлекеттік мекемесінде 8-11 сынып оқушыларымен жалпы жиналыста  мектеп психологтары сыбайлас жемқорлықтың алдын алу мақсатында «Сыбайлас жемқорлыққа қарсымыз!» атты тақырыпта түсіндірме жұмыстарын жүргізді. 

      Сонымен қатар, 5 сынып оқушыларымен тақырыпқа сәйкес 

Г. Мустафаева мен   М. Сейтказыкызы «Сыбайлас жемқорлыққа жол жоқ» атты тақырыбыпта сауалнама алып, осыған байланысты кеңес беріліп,  тренинг жаттығулары жүргізілді. 

     «Құқықтық сана – қауымға    пана» жобасы аясында «Бала құқықтары» тақырыбында 1-11 сыныптар арасында түсіндіру жұмыстары жүргізілді. Қадағалаусыз және қараусыз қалған балаларды анықтау бойынша «Кеш», «Жасөспірім», «Түнгі қала» т.б рейд жұмыстарын жүргізілді. Рейд мақсаты – кәмелетке толмағандардың арасында қылмыстың алдын алу және профилактика, кәмелетке толмағандарға алкогольді ішімдіктерді, темекі өнімдерін сату, түнгі уақытта кәмелетке толмағандарды заңды өкілдерсіз ойын-сауық мекемелерінде немесе тұрғын-жайдан тыс жерде болуын анықтау, олардың құқықтық сауаттылығын жоғарылату, сонымен қатар кәмелетке толмағандардың құқық бұзушылық пен қылмыс жасауға тартатын ересек адамдарды анықтау. Түнгі кезекшілікте 1,2,3,4,5,6 саяжайлар,  салтанат сарайы «Дәулет», «Кәусар», Кеңдала ауылындағы, 4-ші саяжайда орналасқан жанар жағар май бекеті қамтылды.     

       Рейд кезінде кезекшілер арнайы ақпарат беріп, анықтама жазып отырды. Балалардың қауіпсіздігі сынып жетекшілермен ата-аналарға ескертіліп, қылмыстың алдын алу жұмыстары жүргізіліп, түнгі уақытта заңды өкілсіз ойын–сауық орындарына бармау керек екендіктері туралы, сабақты себепсіз босатпау керек екендіктері туралы және зиянды заттарды пайдалануға болмайтындығы туралы түсіндірме жұмыстары жүргізілді.  

     Рейд кезінде тәртіп бұзушылық немесе басқада заңға қайшы келетін әрекеттер болған жоқ. Рейд ешқандай оқиғасыз жүргізілді.  

     Мектеп инспекторы, мектеп психологтары мен директордың тәрбие ісі жөніндегі орынбасарлары, әлеуметтік педагог, өзін-өзі басқару ұйымы  және «Жас полиция көмекшілері» тобымен бірлесіп, тәртіп бұзған, мектепке кешігіп келген оқушылардан түсініктеме алғызып, жағдайы жоқ жанұяда оқитын оқушылардың оқу үлгерімін қадағалап, олармен жеке жұмыс жүргізді,  яғни сабаққа себепсіз келмей қалған оқушылардың ата-аналарымен жұмыс жүргізіліп отырды.

     Отбасы бала үшін өмір мектебі, онда мейірбандық, шындық, адалдық, қайрымдылық, еңбексүйгіштік, т. б. тәртіп пен мінез - құлық қасиеттері дамиды және қалыптасады. Оқушылар қандай отбасынан шықса да, барлық баламен жұмыс бірдей. Қиын тәрбиеленетін балалар, ажырасқан отбасынан да, жақсы қалыптасқан отбасынан да, білімділер отбасынан да шығып жатады. Оның бәрі баланың ата-ана, отбасы тарапынан шыққан келеңсіз жағдайлар мен баланың назардан тыс қалуынан. Кейбір ата-ана маскүнемділікке салынса, кейбірі отбасындағы материалдық жағдайдың жоқтығынан, кейбірі жұмысбастылықпен бала қараусыз өз-өзіне берілгендіктен болатын жағдайлар. Сондықтан бала тәрбиесінде отбасының, ата-ананың рөлі өте ерекше. 

       Сонымен қатар, мектебіміздегі мектепішілік бақылауда тұрған оқушылардың үйлерін аралау барысында олардың тұрмыс-тіршілігімен жақынырақ танысамыз. Бала оқитын мектеппен әркез байланыстамыз. Бала сабағына барып жүр ме, жылы киімі бар ма, үйінде ішетін асы бар ма – рейд кезінде осының барлығы тексеріледі. 

     Білім басқармасы Қазақстан Республикасының Бас прокуратурасынан  Интернет кеңістігінде жүргізілген мониторинг барысында анықталған келеңсіз жағдайлардың туындауына байланысты   мектепте оқушылардың қауіпсіздігін қамтамасыз ету мақсатында мектеп психологы 

Г. Мустафаева, мектеп инспекторы А. Қасымбекова, директордың тәрбие ісі жөніндегі орынбасары Н. Наурызбаеваның қатысуымен жиналыстар өткізіліп, түсіндірме жұмыстары жүргізілді. 

Мектеп директоры Г. Карибаева оқушыларға интернет кеңістігінің кейде жақсы, кейде… жаман тор екендігін бастама сөз етіп өтті. Техниканың дамып кеткені сондай, уақытымыздың көбі жанымызға жақын жандардың жанында емес, интернеттің алдында мониторға телмірумен өтіп кететін күндеріміз болады. Ой-санасы, жеке пікірі қалыптасқан, ерік-жігері мен таңдау мүмкіндігі бар адам болсақ та, дәл осы ғаламтор алдында дәрменсіздік танытып жатамыз. Біздің әрекетіміз осындай, ал ой-санасы қалыптаспаған, ақ пен қараны ажырата алмайтын балаларымыздың әрекеті қандай болмақ? Ақиқатымен қоса жалған ақпараты қатар жүретін ғаламтор балаларымызды жақсылыққа да, жамандыққа да итермелеуі мүмкін. 

       Мектеп инспекторы А. Қасымбекова сөз алып интернет бетінде әдемі өле білуді, ашығу арқылы арықтауды және басқа жаман әдетке үйрететін сайттар қатары қаншама екенін айтты. Сананы улайтын дұрыс емес ақпараттар ой-пікірі қалыптаспаған баланың денсаулығына, жан дүниесіне, тұлғалық дамуына кері әсерін тигізеді. Ең алдымен интернетте отырған кезде сақталуы керек үлкенге де, кішіге де ортақ ережелер оқушыға жете түсіндірілді. Яғни мұнда оқушыларға интерненттен қоғау, комектесу әр түрлі тәсілдер, шығу жолдары, уақыт унемдеу, неше сағат отыру керектігін айтып, сонымен қатар зиянды сайдтар слайд, бейне роликтер арқылы көрсетіліп, оқушыларға жете түсіндірілді. 

     Ата – ананың құқықтық әлеуетін көтеруде де мектептегі тәрбие жұмысы жүйелілікті қажет етеді. Ата – аналармен балалардың заңды мүдделерінің қорғауын қамтамасыз ету үрдісінде «Қатыгездіксіз балалық шақ», «Ата – ана, Сіз үшін!», «Бала – біздің бақытты болашағымыз», «Бала құқығы мемлекет назарында», «Жазасыз тәрбие беру», «Бала мен балалық шақты қорғаймыз!», т.б. тақырыптарында ата – аналар жиналыстары, дәрістер, заң қызметкерлерінің қатысуымен кездесулер, ұстаздар тәжірибесімен ой бөлісулер, пікірталастар мен дөңгелек үстелдер сияқты ата – аналармен тығыз байланыстағы жұмыс жолдары жоспарға сәйкес өткізілуде. 

Биылғы 2022-2023 оқу жылына арналған діни экстремизм мен терроризмнің алдын-алу бойынша атқарылатын іс-шаралардың жылдық жоспары жасалып, бекітілді.

        Осыған байланысты, экстремизм мен терроризмнің барлық түрлеріне қарсы іс-қимылға қатысты жұмыстар жүргізілуде. Мектебімізде діни экстремизм мен терроризмнің алдын-алу бойынша атқарылатын шаралар туралы ақпарат  кесте бойынша өткізілуде, жыл  бойы мектеп   оқушыларының  арасында әртүрлі іс-шаралар ұйымдастырылады. 

        Қыркүйек айында мектеп психологтары Г. Мустафаева мен 

М.Сейтқазықызы 5-11 сынып оқушылары арасында «Имандылық тәрбиесі психологиялық тұрғыдан» атты тренинг өткізді.

      Қазан айында 5-7 сынып оқушылары арасында «Діни экстремизмге қарсы күрес» тақырыбында тәрбие сағаттары өткізілді және 8-11 сынып оқушылары арасында «Дін қоғам өмірінде» тақырыбында шығарма жазу жұмыстары жүргізілді.

        Желтоқсан айында мектеп психологтары «Діни экстремизм туралы не білесің?» атты тақырыпта 7-8 сынып оқушылары арасында сауалнама жүргізілді. 

   «Кәмелетке толмағандардың заң алдында жауапкершілігі» тақырыбында 8-11 сынып оқушыларымен жиналыстар өткізіліп, заң алдындағы жасөспірімдердің жауапкершілігі түсіндірілді. 

      Мектепте құқықтық тәрбие бұрышы ұйымдастырылды. Ақпараттық бұрышта бала құқығы туралы заңнамалар жиынтығы, сенім телефондарының номерлері, ата-аналар мен балалардың міндеттері туралы хабарламалар бар. 

ДІНИ ЭКСТРЕМИЗМНІҢ ЖЫЛДЫҚ МОНИТОРИНГІСІ

2. Рухани-адамгершілік тәрбие  

Мақсаты: Тұлғаның қазақстандық қоғам өмірінің жалпыадамзаттық құндылықтарымен, нормаларымен және дәстүрлерімен келісілген рухани-адамгершілік және этикалық ұстанымдарын, моральдық қасиеттерін және көзқарастарын қалыптастыру. 

Тіл қандайда болмаса ұлттың, халықтың баға жетпес рухани қазынасы, ұлттық санамен байланысты мақтан тұтар ардақтысы. Сондықтан тілден тілдің кемдігі жоқ» деген ізгілікті принциптің қазіргі таңда қолданылуының ерекше мәні бар. Өз халқының қадір – қасиетін ұға білген жан ана тілін аяқасты етпейді, өзге тілді де өзекке теппейді.

«Әр халықтың тілі – білімнің кілті» демекші мектепте дәстүрлі Тілдер мерекесіне байланысты қыркүйек айының 12.09- 22.09.22ж. күндері «Өзге тілдің бәрін біл, өз тіліңді құрметте!» тақырыбында онкүндік өткізілді. Атаулы іс-шараға жоспар құрылып  бекітілді және жоспарланған іс-шара уақытымен жоғары деңгейде өткізілді. Бұл  күндердегі іс-шараға  «Атамұра» пән бірлестігінің мұғалімдері барлығы белсене қатысып, үлкен жауапкершілікпен жұмысты атқарды.

Осы онкүндік аясында А.Байтұрсынұлының 150 жыл толу мерейтойына байланысты 6 сыныптар арасында «Тіл білімінің атасы» тақырыбында эссе жазу,  Ғ.Мұстафиннің туғанына 120 жыл толуына орай «Ғ.Мұстафин-тілін сүйген ұлы жазушы» тақырыбында танымдық сағат, М.Әуезовтің  туғанына 125 жыл толуына орай «Тіл білгірі» тақырыбында сайыс сабақтар, «Тіл- татулық тірегі», «Тіл мәртебесі-ел мерейі»,    «Тіл ғұмыры – ұлт ғұмыры» , «Жасай берқазақ тілі, ана тілім!» тақырыбында тәрбие сағаттары өз деңгейінде өткізілді.

     Бұл онкүндіктегі іс-шаралар қазақ, орыс және ағылшын тілдерінде өткізілді. Аталмыш апталық аясында бекітілген жоспар бойынша мектебіміздің тіл мамандары   Қазақстан Республикасында тұратын барша халықтың тілін, мәдениетін, салт-дәстүрін қорғауға және дамытуға бағытталған түрлі іс-шаралардың өтуіне белсене ат салысты.
        Салтанатты жиын Қазақстан Республикасының Гимнімен ашылды. Жиында сөз алған «Атамұра» қазақ тілі мен әдебиеті пән бірлестігінің жетекшісі, қазақ тілі мен әдебиеті пәнінің мұғалімі Муратбекова Манат Муратбековна тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу-жас жеткіншектердің жауапкершілігінде болатын міндет екендігіне тоқталып, ана тіліміздің мерейлі мерекесімен құттықтады.
       Іс-шараны қазақ тілі пән мұғалімдері Ултанбекова Камшат және Арымбекова Лашын дайындаған оқушылардың  әдеби монтажы жалғастырды.
        Тәуелсіздігіміздің тұғырына көтерілген жылдар ішінде елдің бірлігі артқандай. Елімізде ұлтымыздың ұлы тілімен қатар әлемдік тілдердің де құндылығы жоғары. Қазақ балаларының өзге тілді меңгергеніне қуанып, өзге ұлт өкілдерінің қазақ тілінде сөйлеп, білім алып жатқанын көргенде, бір жасап қаламыз.Ұстаздар қауымының басты міндеті-шәкірттерін білім нәрімен сусындатып, болашақ ұрпаққа ұлағатты тәрбие беру. Осы мақсатта 2022 жылы 5-9 қыркүйек күндері аралығында тілдер апталығына байланысты  «Оқуға құштар мектеп» жобасы аясында «Отбасылық оқуға арналған кітаптарға шолу» бейне шолу ұйымдастырылды. Сондай-ақ, 

 1-11 сынып оқушылары арасында  «Менің тілім – менің досым» атты тақырыпта сынып сағаттары өткізілді. Мектеп кітапханашысы М.Ахметова 1-11 сыныптар арасында «Тілдер күніне арналған көрме» ұйымдастырды. Ай көлемінде М.Ахметованың және сынып жетекшілерінің жетекшілігімен «Кітап, тарих, шежіре» тақырыбында 1-ші сынып оқушылары кітапханаға саяхат жасады. 

       Ахмет Байтұрсынұлының 150 жылдығына арналған 7-8 сынып оқушылары арасында көркем сөз сайысы өткізілді және мектеп кітапханашысы Ахметова Майгүл «Ахмет Байтұрсынұлы және қазақ жазуының тарихы» атты көрме ұйымдастырды.   

       Сонымен қатар, 6 «Ә» сыныбында  «Ана тілім-ажарым, асыл мұрам» пән мұғалімі Дильдаханова М., 5-сыныптар арасында  «Мақал-сөздің азығы, Жұмбақ-ойдың қазығы» пән мұғалімі Ұлтанбекова К., «Тілге құрмет-елге құрмет» пән мұғалімі Қалыбек С., «Ұлт бірлігі-мемлекеттік тілде» тақырыбында пән мұғалімі Ерғанатова А. сайыс сабақ және тәрбие сағаттары жоспар бойынша уақытымен және үлкен дайындықпен өткізілді. 

      Тіл мерекесінің жоғары деңгейде өтілуіне бастауыш сынып оқушылары да ат салысты, оқушылар  арасында сайыс өткізіліп, жеңімпаз топ мақтау қағазымен марапатталды. 

      Орыс тілі пәнінің мұғалімдерінің ұйымдастыруымен «Народа каждого язык прекрасен и велик» атты мәнерлеп оқудан жарыс өтті. Ұйымдастырушылар: Аккалышева С. және Карибаева Г.  Бұл жарысқа 5-9 сынып оқушылары қатысты. Жолжаксынова Лаура, Анарбек Аружан, Артықбаев Ербол  өз өнерлерін жоғарғы деңгейде көрсетіп, мақтау қағаздарымен марапатталды.

       Сонымен қатар, «Словесник» бірлестігінің ұйымдастырумен «Дружба языков народа Казахстана» тақырыбында әдеби –сазды  кеш өткізілді. Мың бұралған бишілер түрлі ұлт билерін билеп, әндерін орындалды. Іс-шараларға белесене қатысқан оқушыларға  ұстаздар қауымы алғыс білдіріп, марапаттады.

        Ал, ағылшын мұғалімдерінің «Sunny English » атты 5-7 сыныптармен пән мұғалімі М.Омарова, «Үш тілдің патшалығы» атты 1-4 сыныптар арасында концерттік бағдарлама өткізілді. Оқушылар тілге қызығушылықтарын білдіріп, зор ықыласпен өз өнерлерін көрсетті.     

       Сонымен қатар, «Тілдер мерекесіне» өз үлестерін қосып, белсенділік танытқан «Өлкетану», «Квант», «Бәйтерек» білестіктері болды.       Жоспар бойынша белгіленген іс-шаралар уақытымен өткізілді. Тарих пәні мұғалімі Жылқыбаева А.Ж. «Тіл туралы Заңнан» кейбір тарауларына тоқтап, шолу жасады. Абсалямова Г., Мусина Ж., Талғарбекова Г., Ускибаева М., Сыдықова Б. осы аталған сынып жетекшілер өз сыныптарымен ашық тәрбие сағаттарын өткізді. Тәрбие сағаттарын ойдағыдай өткізді және ұрпақ бойына ана тіліміздің қасиеттерін сіңдіре білді. Мектебіміздің кітапханашысы М. Ахметованың ұйымдастыруымен  «Мемлекеттік тіл-ортақ қазына» тақырыбындағы кітаптар көрмесі де өскелең ұрпаққа талай ақыл-ой салды. 

Мерекелік іс-шарада ұстаздар туралы видеороликтер көрсетілді. Акт залы баннерлермен, шарлармен, гүлдермен безендірілді. 11 «А», «Ә», «Б» сыныптарының  «өнерлі шәкірттері» ұстаздарға арнап жыр жолдарын оқып, әдемі билерімен көрермендерді тәнті етті. Мерекелік іс-шараны Муратбекова Манат, Ерғанатова Әсем, Садыкова Бағдагүл сынып жетекшілік етіп отырған сыныптардың    шәкірттері дайындады. 11 «Б» сынып оқушылары «Ұстазым» әнін нақышына келтіріп орындаса, 1 «А» сыныбының жас жеткіншектері ұстаз, мектеп туралы әндерді көрермендерге тарту етті.   Мерекелік іс –шара барысында   ұстаздарға сауалдар қойылып, ой- түрткі боларлықтай әдемі әңгіме өрілді. Әсем ән, әдемі би ұстаздардың мерейін көтеріп, көңілдеріне шаттық сыйлады.

     Мерекеге орай мектеп шәкірттері таңертең мұғалімдерді қошеметтеп, таңғы тілек, әуезді әндерімен қуантты. Мектеп ауласына кірген жерден бастап қолдарында гүл, шарлар ұстаздар қауымын зор қошеметпен күтіп алды. 

  Жас шәкірттердің дайындауымен видеороликтер түсіріліп, құттықтаулар оқылды. Таңғы тілек, көтеріңкі көңіл, ыстық ықылас ұстаздардың мерейін үстем етті.

№36 жалпы орта білім беретін мектебі ҚР оқу – ағарту министрлігі Республикалық қосымша білім беру оқу әдістемелік орталығының 2022 жылдың 24 тамыздағы №15-53/328 хатына сәйкес мұғалімдер күніне орай «Дублер күнін» өткізді.

     "Мектеп Парламенті" мүшелері мектебіміздегі барлық сыныптардың топбасшыларымен бірлесе жоспар құра отырып, ұстаздар қауымының көңіл-күйлерін көтеріп, жүректерін нұрға толтырды. Парламент мүшелері таңертең мектеп оқушыларын қарсы алып, Қазақстан Республикасының Əнұранын орындап, ұстаздарды қарсы алып, мектеп əкімшілігінің, ұстаздардың атқаратын жұмыстарын өздері жасады. 

     "Мектеп Парламенті" президенті Амангелді Аружан өз көмекшілерімен бірге мектебіміздің директоры Карибаева Гүлбаршын Идрисовна бастамасымен, директордың тəрбие ісі жөніндегі орынбасары Махмадинова Гүлбахар Мырзаханқызының жетекшілігімен ұстаздардың бір күнін шаттыққа толы ету үшін жұмыс жасады.

    Жас жеткіншектердің шығармашылық, ұйымдастырушылық қабілеттерін, коммуникативті қарым-қатынас дағдыларын қалыптастыру мақсатында атқарылған жұмыстар өзінің оң нəтижесін берді.

    Мектептің мəжіліс залы мерекелік кешке арналып безендіріліп, мектеп көркем өнерпаздары ұстаздарының құрметіне өз өнерлерін ортаға салды.

 Қарттар күніне 1-7 сыныптар оқушылары арасында «Қарттарым – асыл қазынам!» тақырыбында тәрбие сағаты өткізілсе,  8-10 сыныптар арасында  әлеуметтік педагог Алимбекова Жансаяның ұйымдастыруымен «Қарттарымызды қадірлейік!» атты үлкен кісілерге көмек көрсету челленджі өткізілді. 5-6 сыныптар арасында «Қадірлі менің қарттарым» тақырыбында шығармалар конкурсы ұйымдастырылды. «Қарттарым-қазынам» тақырыбында өз әжелері, аталары, көрші қарттар суреттерінен фотоколлаж жасады. 8-9 сыныптар Тимуршылар қозғалысын ұйымдастырып «Біз болмасақ, онда кім?» атты ұранымен қарт кісілерге үнемі көмек көрсетіп келеді.    

      «Оқуға құштар мектеп» жобасы аясында 8-11 сынып оқушылары арасында Мұхтар Әуезовтың 125 жылдығына орай «М.Әуезов және Абай» тақырыбында әдеби кеш өткізілді. 1-4 сыныптар арасында "Күз мезгілі ... " атты өлеңдер байқауы ұйымдастырылып, оқушылар жүлделі орынға ие болды. Күзгі демалыс кезіндегі іс-шара жоспары таныстырылып жоспар бойынша жұмыстар жүргізілді.

        Құқық бұзушылықтың алдын алу мақсатында мектеп психологтары мен әлеуметтік педагогтар демалыс кезінде әлеуметтік жағдайы төмен, жетім жартылай жетім отбасылар үйіне рейд жасап шықты. Жалпы мектеп бойынша  жетім – 4,  жартылай жетім - 83, АҚҚБ – 12, аз қамтылған отбасылар – 173, көп балалы отбасылар - 657. Соның ішінде тәртібі қиын балалардың ата-анасымен сөйлесіп, жұмыстар жүргізілді.                                                                                                                          Мемлекетттік оқу жобаларын іске асыру мақсатында «Оқуға құштар мектеп» жобасы аясында 1-4 сынып, оқушылары сыныптарымен бейне ролик жасап, ата-анаға бала тәрбиесі бастауыш сыныптан басталатыны айтылды.                                                                                                                       Театр – мәдениет ошағы жобасы аясында киелі өнердің ордасына бас сұққан бала мәдениетті де үйренеді. Сахнаға көз тіккен бала өмірді көретіндігі айтыла келе, театр сабақ жобасы бойынша 5-8сынып   жетекшілері сыныптарымен Ғ.Мүсірепов атындағы театрға, тарихи мұражайларға саяхат жүргізді.  Баланың бойында табиғатқа деген көзқарасын дамытып, дүниетанымын кеңейтуде «Ерте жастан басталатын экологиялық мәдениет» тақырыбында   9-11сынып  білім алушыларымен  "Үлкеннен үлгі, жастардан жігер" сенбілік ұйымдастырылды.                                                                                               Мектебіміздің  өзін-өзі басқару ұйымы мен сынып жетекшілерінің ұйымдастыруымен        «Күзгі тағамдар күні», «Асар» челленджі - балалардың отбасына, туыстары мен достарына, көмекке мұқтаж адамдарға қол ұшын беру, қоғамдық жұмыстарға үйрету   мақсатында, заман талабына сай   «Жас блогерлер күні», «Игі істер күні» акциялары өткізілді. Бұл күні балалар таңертеңгі сергіту сәтін ұйымдастырып, тикток желісі арқылы қысқаша шығу тарихын, оның пайдалы және зиянды жақтарын біле отырып, басты  қағида — үлкендерді құрметтеу, көмек беру мақсатында  екенін көрсетті. Бастауыш сынып жетекшілерімен бірге өнер бірлестігі «Ата-аналармен отбасылық күзгі еңбек нәтижесі», «Табиғат күні», «Күз кереметі мен шеберлік күні» көрмесін ұйымдастырды.                                                                                        «Отбасылық шеберхана» балалар қолөнерінің көрмесі, ата-аналардың шеберлік сыныбы 7-9 сыныптарымен жүргізілді. 

       Қараша айында «Балалар және театр» жобасы аясында директордың тәрбие ісі жөніндегі орынбасары Махмадинова Гүлбахар Мырзаханқызы мен даярлық тобы, 1 сынып жетекшілерімен бірлесе отырып «Ертегілер әлемінде» сахналық қойылымы ұйымдастырылып, өткізілді. «Жыл басына таласқан жануарлар» және «Мақтақыз» ертегілерінен сахналық қойылым қойылды. Сахналық қойылымда оқушылардың сахнада өзін еркін ұстауы, актерлық қабілеттері шыңдалды. 

       Желтоқсан айында қысқы демалыс кезінде мектепте жаңа жылдық мереке қарсаңында мұғалімдерден мектепшілік кезекшілік ұйымдастырылды.                                                                                                             Қазақ ауыз әдебиетінің көне түрлерінің бірі - ертегілер. Ертегіден халқымыздың тұрмыс-салтын, әдет-ғұрпын білеміз. Бастауыш сыныптармен қыс мезгіліне байланысты “Ертегілер елінде” онлайн бейне баян жасалып, онда шындық оқиға мен қиял-ғажайып оқиға аралас келіп отыратыны, ертегіден халықтың ертеңге деген сенімі мен үміт-арманы, бақыты туралы ойларын көруге болатындығы  көрінді.                                                                                                                                    «Қыс көріністері»  тақырыбында сурет көрмесі, қыс тақырыбында ақындардың өлеңдерінен мәнерлеп оқудан сайыс (онлайн) ұйымдастырылды.                                                                                                                                                                     Білім негізі – бастауышта екенін басшылыққа алып, үлгерімі төмен оқушылармен қосымша сабақтарға шақырылып, жоғарғы сынып оқушыларына дайындық жұмыстары жүргізілді, «Талантты жас, ойыңды шыңда» шахмат ойындары ұйымдастырылды.                                                                    «Оқуға құштар мектеп» жобасы бойынша   «Кітап - білім бұлағы» кітапханамен байланыс жасап балалар түрлі жаңа  әдеби кітап түрлерін алды.   «Қыс табиғатына саяхат» бойынша бастауыш сынып оқушылары  саяхаттар  ұйымдастырды.                                                                                                         «Денсаулық зор байлық» спорттық эстафеталық ойын түрлерінен сайыс ұйымдастырылды.                                                                                                                           «Табиғатты аялай білейік» экологиялық сабақтар өткізу онлайн форматта өткізілді. 

Математикадан жоғары сыныптар «Қызықты математика» тақырыбында қосымша дайындық жұмыстарын жүргізді. 

       Аудандық, облыстық оқулар байқауында оқушыларымыз жүлделі орындарға ие болды. 

      Атап айтсақ, аудандық «Дарын» - Молдалы Толғанай Бас жүлде. Жетекшісі –Қаратаева Ф.А.

      Аудандық пәндік олимпиада бойынша:

10 «А» сынып оқушысы Тоқтасынқызы Асем 1-орын. Жетекшісі-Дильдаханова М.А., 9 «Г» сынып оқушысы Ахатова Джамила 2-орын. Жетекшісі - Қалыбек С., Аудандық пәндік олимпиададан орын алған 10 «А» сынып оқушысы Тоқтасынқызы Асем облыстық пәндік олимпиадаға қатысып III орынды иеленді. Жетекшісі - Дильдаханова М.А. 

А. Байтұрсынұлының 150 жылдық мерейтойы аясында «Қасиетті өлке,киелі мекен» облыстық шығармалар байқауына 10 «В» сынып оқушысы Еркен Гүлім қатысып дипломмен марапатталды.

Аудандық оқулар бойынша :

М. Мақатаев оқуларынан Еркін Алуа 3-орын, жетекшісі- Жанбабаева З., Қ. Мырзалиев оқуларынан Абиден Нұртас 2-орын, Жалғасова Анель 1-

орын; жетекшісі - Дильдаханова М.,  І. Жансүгіров оқуларынан –  Амангелді Аружан 3-орын, Ысқали Арыс 3-орын; жетекшісі - Дәулетова Г., М. Жұмабаев оқуларынан – Сайлау Аймира 2-орын (Көркем сөз), Ысқали Арыс (Арнау) 3-орын, Серікқызы Айзере (Ғылыми жоба) 1-орын; жетекшісі - Ұлтанбекова К., А. Құнанбаев оқуларынан – «Өлең сөздің патшасы, сөз сарасы» мәнерлеп оқу бөлімі бойынша Ысқали Арыс 1-орын,  «Абайдың қара сөздері» бөлімі бойынша Салават Айдана 2-орын жетекшісі - Кеттебекова А., «Ұлылар әлемі» бөлімі бойынша эссе жазу бойынша Бағыдаулет Аружан   3-орын жетекшісі – Ұлтанбекова К., 

Т. Айбергенов оқуларынан - Тоқтарбек Айдана 3-орын, Еркен Гүлім 3-орын жетекшісі - Ерғанатова А., Яссауи оқуларынан – Нұрсапа Ерсұлтан 2-орын жетекшісі Арымбекова Л.

       Оқушыларды елжандылыққа, ерлікке тәрбиелеуде алуан түрлі кездесулердің, қоғамдық істердің, өлкетану мұражайларына және туған өлкедегі тарихи жерлерге саяхатқа апару, халықтың әдеби-мәдени мұраларын тиімді пайдаланудың мәні зор. Бастауыш сынып оқушыларымен өлкетану мұражайына баруды барлық сынып жетекшілері дәстүрге айналдырған. Бұл іс күзгі және қысқы демалыстарда жоспарлы түрде іске асырылады.

«Қош келдің, Жаңа жыл!» тақырыбында «Жасыл шырша» мерекесі атап өтілді. Бұл іс-шараға мектептің 1-6 сынып оқушылары қатысты. 

      Қысқы демалыс уақытында  қауіпсіздік техникасы бойынша, жолда жүру ережелері бойынша сынып жетекшілер оқушыларға нұсқаулықтар, ақпараттық жұмыстар жүргізді. 

       Қайырымдылық — халқымыздың ең ізгі қасиеттерінің бірі.   «Жанашырлыққа — жан риза» дегендей, кемтар, жетім, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске атсалысу - әрбір адамның азаматтық парызы.

      Адам өміріндегі ең игі істерінің бірі – мұқтаж жандарға қамқорлық жасау. Адамдар бір — біріне қайырымдылық, мейірімділік таныту арқылы жақсылық жасайды. Қамқорлықты қажет ететін жандарға қол ұшын беру арқылы адам баласы жақсылыққа қадам бастайды.   Ақтас ауылындағы «№ 36 жалпы білім беретін орта мектеп» мемлекеттік коммуналдық мекемесінде ата-аналар комитеті мен бірлесіп көп балалы 8 «А» сынып оқушысы Асанов Мақсаттың отбасы әлеуметтік жағдайы төмен отбасына жатқандықтан азық-түлікпен көмектесіп, көмір түсіруіне демеушілер ақшалай көмек беріп қайттық. «Асар Умида» қорынан жетім, көп балалы, толық емес отбасыларына  қайырымдылық көмек көрсетті. Олар көп балалы толық емес отбасынан Худайберген Самғар 2 «Е» сынып оқушысы, жартылай жетім көп балалы отбасынан Каримов Умарға 6 «Г» сынып оқушысына, жетім оқушы Сәкен Іңкәр  8 «А» сынып оқушысы,  әлеуметтік жағдайы төмен Төлеген Махаббат 6 «Ә» сынып оқушысы, жартылай жетім Сұлтан Ельдар 2 «Ж», көп балалы, толық емес отбасынан Худайберген  Арай 6 «Б» сынып оқушысы толық емес отбасынан сынып оқушыларына көмектерін көмек беріп қуантып қайтты.

 «Жылуы жоқ үйден без, қайырымы жоқ биден без»,- дегендей қайырымдылық, адамгершілікті биік ұстап, кісілікті ту етіп, көкірегі қаяулы, жаны жаралы жанның жасын сүртіп, жылы лебізін аямай, қолдан келген жәрдемін ұсынып, достық пейілдерін таныта алатын жандардың арамызда әлі де бар екендігі қуантады. Олай болса, мектебіміздегі әлеуметтік жағдайы төмен оқушыларға көмек көрсеткен демеушілерге мектеп ұжымы атынан үлкен ризашылығымызды білдіре отырып, мектебімізде әлі де осындай игі істер жалғасын табады деген сенімдеміз... 

       Тәрбие саласының жылдық жоспары негізінде ақпан айының 16-сы  күні «Үздік сынып жетекші - 2023» байқауы өткізілді. Байқаудың мақсаты: Қазіргі қоғамдағы тәрбиенің рөлін арттыру, жалпы білім беру жүйесіндегі тәрбие үрдісін жетілдіру, тәрбие субьектілерінің құзырлығын дамыту мақсатында ұйымдастырылып отыр. Кәсіби деңгейі жоғары, шығармашыл және талантты тұлғаны анықтау, сыныптың тәрбиелік тәжірибесін басқару субьектісі ретінде сынып жетекшілерінің шығармашылық тәжірибесін айқындау арқылы тәрбие жүйесінде озат педагогикалық тәжірибесін анықтау, тәрбие жүйесінде инновациялық және шығармашылық идеяларын көрсету болып табылады. Яғни, сынып жетекшінің педагогикалық тәжірибесі осы тұрғыдан анықталады.

Байқаудың шарттары:

1. Таныстыру кезеңі

2. «Әр жетекші сыныбымен мәртебелі» кезеңі: «Өнерлі сынып, өнерлі жетекшімен» 

3. «Ұшқыр ойдан белсенді әрекетке» педагогикалық жағдаяттарды талдау.

Осы шарттар бойынша төмендегі сынып жетекшілер сайысқа қатысты. 

      Қатысқан сынып жетекшілер байқау шарттары бойынша өз жұмыстарын қорғады. Қатысушылар жоғары деңгейде дайындықпен келген. Белсенділіктері өте жақсы. «Әр жетекші сыныбымен мәртебелі» кезеңі: «Өнерлі сынып, өнерлі жетекшімен» турында әр сынып жетекші жетекшілік жасап отырған   сынып оқушыларын қатыстыра отырып, өнердің кез-келген түрін көрсету бойынша немесе креативті, жаңашыл әдіс-тәсілдерді пайдалана отырып, оқушылармен жұмысты ұйымдастыру бойынша жасаған жұмыстарын көрсете білді. 

     Байқау нәтижесі бойынша сынып жетекшілер келесі жүлделі орындарға ие болды:

     Байқауға қатысқан сынып жетекшілерге мектеп директорының мадақтама грамотасы   және кәсіподақ ұйымының  арнайы   сыйлығы берілді. Шара жоғары деңгейде өткізілді.

2022-2023 оқу жылындағы тәрбие жоспарына сәйкес ұлттық айлықтың іс-шара жоспары жасалып, бекітілді. 

Табиғатта ең сұлу өсімдік гүл болса, әлемнің сұлуы-қыз. Қыздарымызға тән нәзіктік, сұлулық, ұяңдық, ибалылық, сыпайылық, әдемілік, іскерлік, шеберлік, рухани байлық, ақ ниет, сүйіспеншілік, намысы, қайрат-жігері, бәрінен де ар тазалығы тән. Осындай қасиеттерімен де қазақ қыздары зор тағылым иесі.

     Қыз баланың ұқыптылығын, шеберлігін, сүйкімділігін, жанының нәзіктігін, өнер, білімге бейім тұратынын жоғары бағалап, оның ол қасиеттерін бейнелі сөздер арқылы ерекше көрсеткен.

      2022 жылғы 11 қазан күні №36 жалпы орта білім беретін мектебінде «11 қазан-Халықаралық қыздар күні» мерекесіне орай «Қыз болашағы-ұлт болашағы» тақырыбында   іс-шара өткізілді.

     Іс-шара барысында мектебіміздің көркемөнерпаздары іс-шара шымылдығын күмбірлеген күймен ашты, ән салып, мың бұрала биледі.

     Іс-шара барысында директордың тәрбие ісі жөніндегі орынбасары Махмадинова Гүлбахар Мырзаханқызы қыз тәрбиесі туралы баяндама оқыды. Мектептің педагог-ұйымдастырушысы Исабаева Зарина қыздарға «Бәйге» айдарымен сауалдар қойса, «Тіл өнері» айдарымен жұмбақтар жасырды, мақал-мәтелдердің алғашқы бөлігін айтып, екінші бөлігін оқушылар шапшаңдықпен жалғастырды.

      «Дыбыстық гимнастика», «Голливуд жұлдызы», «Тату алақан» ойындары ұйымдастырылды. 

       Директордың тәрбие ісі жөніндегі орынбасары махмадинова Гүлбахар Мырзаханқызы қыздардың барлық сауалдарына жауап беріп, қыздарға ақыл кеңесін берді.

        «Қыз-ұлтының мақтанышы». Әрбір оқушының өмір жолы, тәрбиесі отбасынан, одан соң мектеп қабырғасынан бастау алары сөзсіз. Мектепте оқып жүрген қыз бала, ол-үйдегі ата-ананың көз қуанышы, мектепте ұстаздарының мақтанышы. Осы орайда қыз бала тәрбиесіне қатысты өткізілетін іс-шаралар оқу жылы барысында өз жалғасын таппақ.

       «Оқуға құштар мектеп» жобасы аясында «Бірлік бесігі» кітап көрмесін мектеп кітапханашысы М.Ахметова ұйымдастырды. Құқықтық білім бойынша әр буында әртүрлі тақырыпта тәрбие сағаттары өткізілді. Мысалы: 9-11 сыныптар арасында «Мектеп – заң аумағы», 5-8 сыныптар арасында «Менің құқықтарым мен міндеттерім», 1-4 сыныптар арасында «Жаман сөз вирусы». 

     15 қараша 2022 жылы 1-11 сынып оқушыларына «Теңге-Қазақстанның үміті мен өмірінің символы» тақырыбында сынып сағаттары өтті. 

      28.11. - 09.12.2022 ж. күндері аралығында  «Қазақ тілі –  қазынам » тақырыбындағы қазақ тілі мен әдебиеті пәнінің онкүндігі өтті. 

     Мақсаты: Тіл – ұлттың мақтанышы, тірегі, жүрегі екендігіне кең түсінік бере отырып, оқушыларды елжандылыққа, туған тілін құрметтеуге, тілді ұлттық мұра ретінде қастерлеуге үйрету. 

      2022жылдың 28 қарашадан бастап желтоқсанның 9 дейін «Қазақ тілі –   қазынам» тақырыбында  қазақ тілі мен әдебиет пәнінің  онкүндігі өтті. Апталықты «Атамұра» әдістемелі бірлестіктің жетекшісі 

М.М. Мұратбекова «Ана тілің -асылың» салтанатты жиынмен ашты.  

      29.11.2022ж. күні қазақ тілі мен әдебиеті пәнінің мұғалімі Дәулетова Г. 5 «Ж» сыныбымен    «Мың бір мақал» тақырыбында сыныптан тыс іс-шара өткізді.

      30.11.2022ж. 11 «А» сыныбымен пән мұғалімі Мұратбекова М. «Мұхтар мұрасы-адамзат қазынасы»  тақырыбында сыныптан тыс іс шара өткізді. Сабақ барысында оқушылар М.Әуезовтің өмірі мен шығармашылығына шолу жасап, шығармаларына шолу жасап, бір-біріне сұрақтар қою арқылы тапсырмаларды орындап, топтық жұмыстар арқылы әңгімелерінен шағын сахналық көрініс көрсетті.

      Осы күні 6 сыныптардың қатысуымен «Жас қаламгер»  тақырыбында сыныптан тыс іс -шара өткізілді.  Бұл іс –шараның мақсаты оқушылармен шығармашылық жұмыс жүргізу. Пән мұғалімі Костаншиева Толғанайдың ұйымдастыруымен өткізілген бұл іс –шарада   қатысушы оқушылар еркін тақырыпта өлең, мақала жазды. Соңында қатысушы оқушылар жүлделі орындармен марапатталып, мақтау қағаздарымен марапатталды. 

       Жоспар бойынша осы күні орыс сыныптарына қазақ тілі пәнінен «Астана- елімнің мақтанышы» тақырыбында пән мұғалімі Қалыбек С. ашық сабақ өткізді.Сабақ барысында топқа бөлу, постермен жұмыс, рефлексия жасату сияқты әдіс –тәсілдер пайдаланды.

        16.03.2023ж. №9 Құқық бұзушылықтың алдын алу Кеңесінің кезекті отырысы өткізілді. Отырыста мектепішілік бақылауда тұратын оқушылардың тәртібі қаралды. 

Желтоқсан айында «Тәуелсіздік – бәрінен қымбат» тақырыбында 10 сынып жетекшілері мектепішілік іс шара ұйымдастырды.   

     Тәуелсіздігіміздің 31 жылдығына арналған іс-шаралар жоспары әзірленіп, өткізілді. 

      Іс-шара мақсаты: Ата-бабаларымыздың ерлігін паш ету, оқушыларымызға желтоқсан құрбандарын, желтоқсан оқиғасына қатысқан аға-апалардың ерлігін үлгі етіп көрсету. Оқушылардың туған жерге деген сезімдерін ояту; қасиетті Отанға деген шексіз сүйіспеншілікке, елін, жерін сүюге, Отанын қастерлеуге, елі үшін мақтана білуге тәрбиелеу. 

      Тәуелсіздік! Қандай киелі сөз. Осы бір құдіретті сөздің тереңіне көз жіберіп, ой елегінен өткізсек, ата-бабаларымыздың ғасырлар бойы асыл арманы, азаттық жолында құрбан болған талай боздақтарымыздың ұрпақтарына қалдырған аманаты екені сөзсіз. «16 желтоқсан – Тәуелсіздік күні» мерекесіне орай «Тұғыры биік Тәуелсіздік!» тақырыбында мектеп кітапханашысы Ахметова Майгүлдің ұйымдастыруымен кітап көрмесі қойылды. 1-4 сыныптардың арасында «Тәуелсіздік - теңдесі жоқ байлығым» тақырыбында тәрбие сағаты өткізілді. 

13 желтоқсан күні Республикалық біріңғай «Жас Қыран» балалармен жасөспірімдер ұйымының қатарына, 14 желтоқсан күні Республикалық біріңғай «Жас Ұлан» балалармен жасөспірімдер ұйымының қатарына салтанатты түрде қабылданды. «Жас Қыран» ұйымының қатарына 2а,2ә,2б,2в,2д,2е,2ж,2ғ,2г сыныптарынан салтанатты түрде жақсы оқитын оқушылар қабылданды.«Жас Ұлан» ұйымының қатарына 5а,5ә,5б,5в,5д,5ж,5г,5е сыныптарынан озат оқушылар салтанатты түрде қабылданды. Іс-шара барысында «Өзін-өзі басқару» ұйымының оқушылары ұйымның мақсат, міндет, ережелерімен таныстырып, «Жас Қыран» төсбелгісін тағу мектебіміздің «Өзін-өзі басқару ұйымы», яғни үздік,белсенді оқушылары және мектеп президенті Амангелді Аружан ұстаздармен бірге «Жас Ұлан» және «Жас Қыран» ұйымының қатарына кіргелі отырған оқушыларға салтанатты түрде туымыз түстес көгілдір галстук және төс белгілерін табыстады.2 «Ғ» сынып оқушысы Жолжақсы Фариза   «Егемен ел - Қазақстан» әнін айтып оқушылардың патриоттық сезімін оятты. Жиынның ең жауапты сәті,ант тапсыру рәсімі өтті. Музыка пәнінің мұғалімі Бегджанов Ақжолдың ұйымдастыруымен 2 «Ғ» сынып оқушылары «Жас Ұлан, Жас Қыран» әнін хормен шырқады. 5 «Ж»,5 «В» сынып оқушылары өтіп жатқан іс- шараға байланысты «Біз қазақтың ұланымыз» әнін хормен айтты. 2 «В» сынып апайы Абдукаримова Салия  апайымыз ұйымға өткен оқушыларды құттықтады. Ұйымға өткен оқушылар «Жас Ұлан» және «Жас Қыран» ұйымының өскелең ұрпаққа жоғары рухани- адамгершілік құндылықтар, демократиялық ұстанымдарға негізделген Қазақстандық патриотизм рухында қалыптасқан ұйым екенін түсінді.

      Өткізілген іс-шаралар «Facebook» және «Instagram» әлеуметтік желілеріне жарияланды. 

Көктем келіп, айнала өзгеше сұлуланып, жер беті көк кілем жабылғанда елімізде мерке тойланады. Көктемнің алғашқы мерекесі - алғыс айту күні. Бұл күні Тәуелсіз Қазақстанды құру жолында қаншама маңдай терің төккен жандардың бір-біріне риясыз алғысын айтып, құрмет көрсету күні. Қазақстан халқы бұл мейрамды алғаш рет 2016 жылы атап өтті. Ассаблеясының құрылған күнін, яғни 1 наурызды Алғыс айту күні етіп жариялады. Адамзат баласын жақындастыратын құнды қасиет – адамгершілігі. Адамгершілігі мықты жанның әркезде де өзгелерге көмектесіп, алғыс алуы анық. Бір-біріне алғыс айту арқылы араларындағы сүйіспеншілік пен махаббатты нығайта түседі. Бұл мерекенің басты мақсаты – өскелең ұрпақтың достығы  мен бір-біріне деген құрметін арттыру. Осындай мақсатпен 1 наурыз күні мектебімізде «1 наурыз – Алғыс айту» күніне арналған «Ақ жүрекпен» атты іс-шара жүзеге асты. Аталған іс-шараға 10 а сынып оқушылары және «Өзін-өзі басқару ұйымы» қатысты. Оқушылар таңертеңнен мектеп алдынан ұстаздарды, оқушыларды күтіп алды. Алғашқы келген ұстаздар мен оқушыларға жылы лебіздерін білдіріп, қолдарына арнайы тілек жазылған жүрекшелер және тәттілер ұсынды. Амангелді Аружан мектеп президенті ретінде жақсы тілек айтып сөз сөйледі. «Айгүл» би ансамблі би биледі, Өміртай Аделя «Алғыс» атты әнін шырқады. Белсенді оқушылар бастауыш  сыныптарға кіріп пән мұғалімдеріне және бүлдіршін оқушыларға тәтті таратып мектебімізде оқығандары үшін алғыс айтты. 

     «Өзін-өзі басқару ұйымы» оқушылары әлеуметтік педагог Әлімбекова Жансая апаймен және 9 «Б» сынып оқушыларының белсенділері қатысты. Ұстаздарға және   мектеп оқушыларына тілек қағазымен тәтті берілді. Арнайы музыкалық сәлем ретінде оқушылар ән айтты. Әрі қарай «Өзін-өзі басқару ұйымы» оқушылары ұстаздардың кабинетіне кіріп бүлдіршіндерді және апайларын құттықтады. 

15-16.03.2023ж. аралығында «Наурыз – бейбітшілік пен жақсылық мерекесі» бейнероликтер әзірленді.  «Наурыз шақырады» Наурыз мейрамына арналған іс-шара ұйымдастырылды. 17.03.2023ж. осы тақырыпқа сай тәрбие сағаттары 1-11 сыныптар арасында өткізілді. 

        17.03.2023ж. ЖЖЕ бойынша әңгіме жүргізіліп, демалыс уақытында ҚТ бойынша нұсқаулық айтылды. Көктемгі демалысқа арналған жоспар құрылып, бекітілді. 

     «№36 жалпы білім беретін орта мектебі» КММ-де вестибюль планшеттеріндегі  рәміздер; директор кабинетінде флагштоктегі ту, елтаңба; далаға ғимараттың төбесінде жарығымен орнатылған ту бар, ҚР Үкіметінің 22.11. 2011 күнгі №1371 қаулысына сәйкес көлемді Елтаңбасы бар екі тілдегі кітапхананың атауы жазылған маңдайша орнатылды, барлық мемлекеттік рәміздер  мемлекеттік мекемелердегі қолданыстағы заңдардың талаптарына сәйкес келеді.

       Кітапхана меңгерушісі Ахметова Майгүл «Рәміздерім мақтанышым» әңгімесінде Қазақстанда мемлекеттік рәміздердің жасалу тарихы, Мемлекеттік Гимннің, Тудың және Елтаңбаның авторлары туралы, олардың әрқайсысының мәні туралы және әрбір Қазақстандықтың өз елінің мемлекеттік рәміздерін құрметтеуі туралы айтып өтті. Мектеп кітапханашысы М.Ахметова алдыңғы ақпаратты толықтыра отырып, мектеп кітапханасының қорынан алуан түрлі көрнекі құралдарды пайдаланып,  «Сен мемлекеттік рәміздерді білесің бе?» атты викторина өткізді. Оқушылар да, тіпті мектепке дейінгі балалар да Мемлекеттік Гимнді жақсы білетінін көрсетті. Балалар тақырыпқа сәйкес жасалған кітап көрмесіндегі кітаптарды қызыға қарап шықты. 

 Оны жүргізген жүргізушілер екі тілде жиналғандарды мерекемен құттықтап, Қазақстанның Мемлекеттік Елтаңбасы, Туы мен Гимні елдің саяси тәуелсіздігінің және егемендігінің рәміздері екендігін айтып, балалардың назарын ҚР Конституциясының 34-бабына аударды, онда «Әрбір азамат Қазақстан Республикасының мемлекеттік рәміздерін білуге және оны құрметтеуге міндетті» деп жазылған. Сондықтан бүгінгі іс-шара – құқықтық және ҚР Мемлекеттік рәміздеріне деген құрмет. Жүргізушілер Елтаңбаны, Туды және Гимнді біліп қана қоймай, оның мәнін түсіну керектігін айтты. Соған орай балалардан бұл туралы өз ойын айтып көруді ұсынды. ҚР Мемлекеттік Туы туралы айта келіп, бұл сөздің Голландиядан келгендігін және «кеме жалауы» деген мағынаны білдіретіндігін жеткізді. Егер Қазақстан үлкен кеме десек, онда біздің туымыз қандай болуы керек? Балалар дұрыс жауап берді. Бұдан кейін ҚР Мемлекеттік Елтаңбасы туралы сөз болды. Түсіндірме сөздікте елтаңбаны «Мемлекеттің эмблемасы» дейді. Ал балалар оны қалай түсінеді екен? Олардың ойы өте қызықты болды. Үлкен ынтамен әрі қызу түрде шаңырақты, қанатты пырақты, күн сәулесін бейнелейтінін жеткізді. Мемлекеттік Гимн туралы оның грек сөзі және «салтанатты ән» деген мағынаны білдіретінін айтып өтті. Іс - шараның соңында өткен викторина да қызықты әрі әсерлі болды. 

         Мектеп әкімшілігі тарапынан алынған сауалнама бойынша 1-9 сынып оқушыларының Қазақстан Республикасының Гимнін толығымен, Қазақстан Республикасының рәміздерінің түсін, пішінін, элементтерінің маңызын, 10-11 сынып оқушылары рәміздер туралы Заңды білетіні анықталды.  Әр аптаның дүйсенбі күні, салтанатты жиындарда Қазақстан Республикасының Гимнін мектептің оқушылары ауызша орындауды дәстүрге айналдырды.

Қаңтар айында «Мемлекеттік рәміздер – ел абыройы» атты сұрақ-жауап кеші 3-4 сынып оқушыларымен өткізілді. Бастауыш сынып мұғалімі Сатыбалдиева Д. Мемлекеттік рәміздерге байланысты қызықты ақпарат пен деректер оқыды. Бұл іс - шарадан оқушылар егеменді елдің әрбір азаматы құрметтеуге, мақтаныш етуге тиісті мемлекеттік рәміздеріміз туралы мәліметтер алды. Еліміздің рәміздері – Туды, Елтаңбаны және Гимнді барынша қастерлеуге баулу мақсатында өткен шарада оқушылар «Елтаңба», «Байрақ» деген аттарымен 2 топқа бөлінді. Іс - шара 2 кезеңнен тұрды. Бірінші кезең – сұрақ-жауап, екінші кезең – шығармашылық тапсырманы орындау. Сұраққа дұрыс жауап берген топқа жұлдызшалар беріліп отырды. Оқушылар «Көк Тудың желбірегені» атты кітап көрмесімен танысты. Сонымен қатар № 36 орта мектептің  оқушылары ақын-жазушыларымыздың еліміздің рәміздері туралы жазған өлеңдерін оқыды. Белсенді қатысып, көп ұпай жинаған топқа мектебіміздің атынан шағын сыйлықтар ұсынылды. Балалар хормен Қазақстан Республикасының Гимнін орындады. 

 Ақпан айында №36 орта мектептің балалары акт залына «Тәуелсіздік рәміздері» атты танымдық сағатқа шақырылды. Кітапханада мерекеге арнайы «Тәуелсіз елдің рәміздері» атты кітап көрмесі дайындалды. Іс - шараны жүргізген жүргізушілер «Рәміздерді құрметтеу – халыққа деген құрмет» атты әңгімесінде тәуелсіз Қазақстанның қалыптасу тарихы, мемлекеттік рәміздердің қабылдануы, оларға құрметпен қарау, ондағы бейнелердің мәні, олардың авторлары туралы айтты. Бұдан кейін кітап көрмесіне шолу жасалды, «Туған өлке» атты викторина өткізілді. 

1. Отбасы тәрбиесі

Мақсаты:   Ата-аналарды оқыту, бала тәрбиесінде олардың психологиялық-педагогикалық құзыреттіліктерін және жауапкершіліктерін арттыру. 

       Отбасылық тәрбие бағыты бойынша 9-қыркүйек күні 1-4 сынып пен дене шынықтыру пән мұғалімдері «Отбасы күніне арналған көңілді эстафеталар» ойыны өткізілді. «Менің отбасым» тақырыбында 1-11 сыныптар арасында тәрбие сағаттары өткізілді. Тәрбие сағатының негізгі мақсаты отбасындағы қарым-қатынасты нығайту мен ата-анаға деген құрметті арттыру мақсатында кең ауқымды түсіндірме жұмысы жүргізілді.

      05.09 - 12.09  қыркүйек аралығында   «Отбасы апталығына» арналған іс-шаралар болды.   «Толағай» отбасы сайысы, «Менің жанұям» атты шығармалар,  «Кітап әлеміне саяхат» атты кітапхана көрмесі, «Менің алтын ұям» атты сынып сағаттары болды. 

2022 жылы 5-9 қыркүйек күндері аралығында тілдер апталғына байланысты  «Оқуға құштар мектеп» жобасы аясында «Отбасылық оқуға арналған кітаптарға шолу» бейне шолу ұйымдастырылды. 

15-16 қыркүйек күндері 5-8 сыныптар арасында «Менің сүйікті отбасым» атты сурет байқауы өткізілді. 

    2022 жылдың қыркүйек айының 16-шы жұлдызында «Отбасы-бақыт мекені» онкүндігінің аясында  «Мерейлі отбасы» отбасылық сайысы өткізілді. Сайысқа 3-4 сынып оқушылары өз отбасымен қатысты. 

 Сайысқа   төмендегі 6 отбасы қатысты:

1. Айтбаевтар отбасы
2. Тілеубаевтар отбасы
3. Худайбергеновтер отбасы
4. Кайыпбаевтар отбасы
5. Садыковтар отбасы

 Сайыс төмендегі шарттардан тұрды:

1. «Өзге емес өзім айтам өз жайымды»    ( отбасы мүшелерін таныстыру)
2. «Өнерлі өрге жүзер» ( отбасының баласы жеке  немесе ата-анасымен бірлесіп өнер көрсетеді.)  (ән, би, өлең оқу, сиқыр көрсету, көрініс көрсету  т.б қиялға шектеу жоқ)
3. «Біздің отбасы-шебер отбасы» (үй тапсырмасы негізінде әрбір отбасы үйден қол өнер бұйымын жасап әкеліп, қалай жасалғандығын түсіндіреді.)

  4.  Мектеп өміріне, балаларға қатысты ситуациялық сұрақтар. 

   Сайысқа төмендегідей әділ-қазы құрамы өз бағасын берді:

1. Әділ-қазы алқасының төрайымы- ұлағатты ұстаз Айтаханова Б.
2. Әділ-қазы алқасының мүшесі- мектеп директорының тәрбие ісі жөніндегі орынбасары  Махмадинова Г. М.
3. Әділ- қазы алқасының мүшесі- мектеп ұстазы Қожабекова А. 
4.  Әділ-қазы мүшесі- музыка пәнінің мұғалімі Нурмуканбетова Г. 

     Сайысқа қатысушы барлық отбасы жоғарғы деңгейде дайындалған. Әр кезең бойынша қазылар алқасы өз бағасын беріп отырды. Сәлемдесу кезеңі, қол өнерді таныстыру кезеңі   жоғарғы деңгейдегі дайындықтың бар екендігін айқындап тұрды. Сайыс соңында жеңімпаз отбасылар анықталып, мақтау қағаздарымен марапатталды.

     17 қазан 2022 жылы 1-8 сыныптарда «Отбасы құндылығы – сарқылмас қазына» тақырыбында сынып сағаты, ал 9-11 сыныптарда осы тақырыпта пікір алмасу  өткізілді.

Жеке кесте бойынша 0-11 сынып жетекшілері №1 Ата-аналар жиналысында   мектептің ішкі ережесімен таныстырыла отырып, оқушылардың өмір қауіпсіздігі таныстырылды. 

«Оқуға құштар мектеп» жобасы аясында 1-11 сынып оқушылары арасында мектеп кітапханашысы Ахметова Майгүл «Мен кітап оқығанды жақсы көремін» тақырыбында оқырмандар байқауын өткізді. Байқауда оқушылар өздерінің оқыған әдебиеттерінің мазмұнын айтты. Байқау соңында ең көп кітап оқыған оқырмандар мақтау қағаздарымен марапатталып, сыйлыққа әдеби кітаптар алды. Байқау жеңімпаздары мектеп парақшасына жүктелді.  

2022-2023 оқу жылының желтоқсан айында мектеп оқушылары арасында   «Зорлық-зомбылықсыз балалық шақ» тақырыбында  мектеп психологтары Мустафаева Гүлнар мен Сейтқазықызы Мадина оқушылармен психологиялық кеңес өткізді. Кеңес беру кезінде үйдегі және басқа тараптан болатын зорлық – зомбылықтың әр түрлі жақтары айтылды.

       Балалар – еліміздің болашағы. Оларды тәрбиелеу, оқыту, білім беру, болашаққа қадам бастырып, осы өмірде өз орнын табуына жәрдем беру әр ата-ананың міндеті Отбасындағы ата-ананың мінез-құлқы баланың көз алдындағы үлгі-өнеге алатын, оған қарап өсетін нысаны.Тәрбиеге әсер беретін өскен орта, ата-ананың тәрбиесі дұрыс болмаса, жаман әсерлер адамды азғырып, түрлі жаман мінезді жұқтырады. Нашақорлық, темекіге, ішімдікке үйірлік бұзықтық жолға түсіп, зорлық-зомбылық жасауға мүмкіндік туғызады, еңбек етуге, қоғамға, денсаулыққа, ұрпаққа, отбасына зиянын тигізеді. Зорлық-зомбылық тәрбиесіздіктен де туындайды. Бала тәрбиесінде тәрбиелілікке жетудің жолы – еңбекке, әдептілікке, инабаттылыққа, адамшылыққа, қайырымдылыққа үйрету. Осылардың барлығын балалардың бойына сіңіріп, күнделікті өмірде әдетке айналдыру тәрбиенің басты мақсаты болмақ. Салауатты өмір сүрудің бір негізгі күрделі мәселесі – жаман қылықтардан, зорлық зомбылықтан аулақ болу. Бала өзіне керекті рухани дүниенің барлығын қоршаған ортадан алады. Сондықтан, жаман әдеттен аулақ болайық. Дүниедегі мақсаттың да, міндеттің де ең үлкені – ол ертеңгі күнге өнегелі, парасатты ұрпақ қалдыру. 

       Сонымен қатар, психологтар зорлық-зомбылық туындаған жағдайда мектеп әкімшілігі мен психологтарға, мектеп инспекторына  шұғыл хабарласу жайлы түсіндіріп өтті. 

        Талғар ауданының Білім бөлімінің   2022 жылғы «Мектепке жол акциясын өткізу туралы» бұйрығын негізге ала отырып,   «Мектепке жол» акциясын өткізу туралы  2022 жылдың 1 тамызынан бастап 30 қыркүйекке дейін «Мектепке жол» акциясы   өткізілді.                  

        Республикалық «Мектепке жол» акцияның мақсаты: аз қамтылған отбасылардағы оқушыларға қолдау мен көмек көрсету ғана емес, сондай-ақ әлеуметтік жағдайына байланысты мектепке дайындала алмай қалған отбасының  балаларына   қоғамның назарын аудару болып табылады.

       Мектептегі әлеуметтік жағдайы төмен,толық жетім және ата-ананың қамқорлығынсыз қалған, жартылай жетім, көп балалы отбасынан шыққан отбасылырға «Мектепке жол» акциясы негізінде көмек көрсетуге қол ұшын беретін қайырымдылық көрсетушілер мен меценаттарды іздеп табу. Ақтас ауылында орналасқан ЖШС «Өзентас» басшысы Г.Ламбакшевқа, жеке кәсіпкер Ермекбаев Дәулетке, ЖШС «Каусар» мейрамханасы басшысына, Кеңдала ауылдық округінің әкімі А.Н.Өмірзақовқа, Құрылыс базары басшыларына директордың тәрбие ісі жөніндегі орынбасары М.Әлменова, ата-аналар төрайымы Н.Юсупова   және әлеуметтік педагог Ж.Алимбекова бірлесе отырып осы меценаттарға сұраныс таратылып шықты. Берілген көмектерге тоқталатын болсақ: ЖШС «Каусар» мейрамханасының басшысы үйден оқытылатын 6д сынып оқушысы Мирам Аянаға, мүгедектігі бар 4д сынып оқушысы Жұмаділ Думанға, көпбалалы отбасынан 7а сынып оқушысы Анарбай Ақботаға ақшалай әр балаға 20 000 теңге  (жиырма мың теңге) берді. Кеңдала ауылында орналасқан ЖШС құрылыс базарының басшысы 8 «а» сынып оқушысы тұл жетім Сәкен Іңкәрға, Толық емес отбасынан 6 «б» сынып оқушысы Худайберген Арайға, көп балалы отбасынан Төкен Аминаға  мектеп құрал-жабдықтарын алуға ақшалай 50 000 теңге (елу мың теңге) берді. ЖШС Өзентас басшысы Г.Ламбакшев мырза көп балалы, толық емес отбасы, жартылай жетім, ата-ана қамқорлығынсыз қалған және инвалид он оқушыға мектеп құрал жабдықтарына 129 550  теңге ақша бөлді. Төкен Амина 5 «в» көп балалы отбасы, Лепихин Андрей 8 «г» толық емес отбасы, Лепихин Сергей 8 «г» толық емес отбасы, Абумуталип Назым 5 «ә» сынып толық емес отбасынан, Есімхан Еңілік 7 «е» сынып көп балалы отбасынан, Акбер Томирис 3 «в» көп балалы отбасынан, Советжан Алтынай 3 «г» аз қамтылған отбасынан, Каримов Умар 6г жартылай жетім, Нұрсағат Дарын 9 «ә» ата-ана қамқорлығынсыз қалған оқушы, Мирам Нұрдаулетке 4 «д» көп балалы осы балаларға көмек көрсетілді. Осындай жағдайы төмен жартылай жетім Шажабаева Каусар 7 «д» сынып, үйде оқитын инвалид оқушы 7 «а»  сынып оқушысы Төлен Біржанға, жартылай жетім Таңат Әділет 3 «е» сынып оқушысы, көп балалы отбасынан Төлегенов Қанат 4 «в» сынып оқушыларына Бақытбайұлы Мажит мырза өз демеушілігін көрсетіп әр отбасыға 25000 теңгеден (жиырма бес мың) берді. Қуанған ата-аналар алғыстарын айтып кетті. Аудандық білім бөлімінен әлеуметтік аз қамтылған отбасынан екі оқушыға, атап айтсақ, Әділбек Бекарыс пен Әнуарбек Нұртас    6 «Б» сынып оқушыларына мектеп құрал-жабдықтары толған сөмке алып берді. Биылғы 2022-2023 оқу жылында Жалпы білім беру қорынан көп балалы, жетім, жартылай жетім, атаулы әлеуметтік көмек алатын, аз қамтылған отбасы балаларынан 209 оқушыға мектеп формасын алуға қаржылай  көмек берілді. Әр баланың заңды өкілеті анасы немесе әкесінің жеке есеп шоттарына 37500 (отыз жеті мың бес жүз ) теңге түсті. Жеке кәсіпкер Ермекбаев Даулет мырза жеті оқушыға 30 000 (отыз мың) теңгеден ақшалай көмек берді. Атап айтсақ, Бақытжан Амангелді 8 «в» сынып оқушысы, Серік Бақнұр көп балалы 5 «д» сынып оқушысы, Новиков Даниэль   2 «г» сынып жартылай жетім, Иминжанова Наиля 3 «г» сынып әлеуметтік жағдайы төмен, Совет Сабина 4 «б» сынып  әлеуметтік жағдайы төмен, Скрипкина Анна 9 «г» жетім оқушы, Қондыбай Дархан 1 «в» көп балалы отбасының балалары. Талғар құрылыс базарының басшысы Талғатбек Әсет Талғатбекұлы демеушілікпен азқамтылған отбасы оқушыларына мектеп-құралдарын алып берді. Жалпы суммасы 70 000 (жетпіс мың) теңге кетті. Мектеп құрал-жабдықтарын алған оқушылар 5 «в» сынып оқушысы көп балалы отбасынан Бектұрдиева Аяулым, 4 «и» сынып оқушысы көп балалы отбасынан Тәжен Рамазанға, 4 «ә» сынып оқушысы көп балалы отбасынан Жұмақан Нұрасылға, 3 «в» сынып көп балалы отбасынан Тұрсынәлі Балымға, 3 «в» сынып оқушысы әлеуметтік жағдайы төмен Тоқажан Жанель алды.  Қыркүйек айының 02.09 бастап тегін ыстық тамақпен 209 бала қамтылды. Брокераж комиссиясы құрылып, жоспар жасалды. Брокераж комиссияның құрамына:   директордың тәрбие ісі жөніндегі орынбасары Г. М. Махмадинова,  мектеп психологы  М. Сейтқазықызы, әлеуметтік педагог М. Алимбекова, мектеп медбикесі Н. Штаймиллер, ата-ана комитетінің төрағасы Е. Қабдулдаев, бастауыш сынып мұғалімі С. Муканова, кәсіподақ төрайымы Г. Абсалямова кірді. Брокеражды комиссия оқушылардың күнделікті тамақтарына бақылау жүргізіп отырды. Екі аптада бір рет асхана тазалығына арналған акт жүргізіліп отырды. Онда аптаның күніне сәйкес ас мәзірінің болуы, өлшенуі, асхананың гигиеналық тазалығы. Қызметкерлердің формада болуы, ыдыстардың шеті (шынысының) ұшпауы және ас блоктары мен мұздатқыштардың жұмыс істеуі барлығы тексеріліп отырады. Аз қамтылған, жетім, АҚҚБ, жартылай жетім, көпбалалы, толық емес отбасылардан шыққан оқушылардың бір мезгіл ішетін ыстық тамаққа келуін әкімшілік тарапынан бақылау кестесі құрылып шығарылды. 

         31 тамыз 2022 жылы №236-Н Талғар ауданының Білім бөлімі шығарған бұйрығын негізге ала отырып, мектепішілік   №168-Ө бұйрығы шығарылды. Мектеп бойынша 99 бала І-ауысымда тамақтанса, ІІ- ауысым бойынша 110 бала тамақтанып отырды. Оқушылардың күнделікті келіп тамақтанып отыруын арнайы тізім бойынша «+», «-» қойылып белгіленіп отырды. Келмей қалған оқушының орнына қосымша жасалынған тізімдегі балалар тамақтанып отырды. 05. 01. 2023 жылы екінші жарты жылдық бойынша №2 Талғар ауданының Білім бөлімі ыстық тамаққа бұйрық шығарылып берілді. Осы бұйрықты негізге ала отырып мектепішілік №12-Ө бұйрығы шығарылды. Осы бұйрық бойынша тегін ыстық тамақ бойынша 209 бала тамақтанып отыр.  Жыл сайын қыркүйек айының басында сынып жетекшілер сынып паспортын жасап өткізеді. Сол арқылы мектеп паспортын жасап өткіздік мектеп бойынша:  

Аз қамтылған - 173

Анасы қайтыс болған - 20

Әкесі қайтыс болған - 63

Толық емес отбасы балалары - 160

Анықтама №4 - 12

Көпбалалы – 657

Сәтсіз отбасы - 2

Жетім – 4

АҚҚБ - 11 

      2022 жылғы 13 қаңтар – 13 ақпан аралығында  дәстүрлі республикалық «Қайырымдылық» акциясы өткізілді.

       Акция шеңберінде дәлелсіз себептермен мектепке бармай  жүрген мектеп жасындағы балаларды анықтау үшін мектептерге бекітілген үйлерді сынып жетекшілер аралап, қадағалаусыз  және панасыз қалған балаларды анықтау мақсатында рейдтер жүргізілді. Жауапты: сынып жетекшілер, дене шынықтыру пәні мұғалімдері, АӘД пәнінің мұғалімі 

М. Дилдебаевқа және директордың тәрбие ісі жөніндегі орынбасары 

М.Әлменова, әлеуметтік педагог Ж.Алимбекова  аралап  рейдтер жүргізу барысында  анықтап шықтық. 

     Материалдық  жағдайы   төмен отбасында тұрып жатқан балаларға қаржылай  көмек көрсетілді. 

     Жағдайы төмен, жартылай жетім оқушыларымызға  мектеп ұжымы қолдарынан келгенше киім-кешектер әкеліп және азық-түліктермен 4 оқушыға  көмектерін көрсетті.

      Сәуір айында «Дәстүр мен ғұмыр» арнайы жобасы аясында, 3-5 сынып оқушылары арасында «Бабалар ізімен» атты отбасылық бейнероликтер байқауы өткізілді. Байқау жеңімпаздарының дайындаған бейнероликтері мектеп парақшасына жүктелді. 

      Тәрбие жылдық жоспарына сәйкес 2023 жылдың 2 мамыр мен 31 мамыр аралығында   отбасы тәрбие айлығы басталып, «Отбасы – тәрбие басы, мектеп – тәрбие жаршысы» тақырыбында тиісті іс-шаралар жоспары жасалып, бекітілді.  

       Іс-шара мақсаты: отбасы тәрбие мәселелерінің өзектілігі, оқушылардың отбасындағы алатын білімін ауқымдату, әр адамның отбасындағы тұлға екендігін анықтау, баланың тұлға ретінде қалыптасуына отбасының ролінің маңыздылығын айту. 

       Отбасының маңызды қызметі – балаларды тәрбиелеу және дамыту. Оқушыларды   отбасына деген құндылықты қарым-қатынасқа тәрбиелеу бүгінгі таңда олардың болашақ отбасыларының әл-ауқаты ғана емес, сондай-ақ жалпы қоғам мәселелерінің шешілуіне де байланысты басым педагогикалық мәселелердің бірі болып табылады. 

        Бастауыш сыныптары «Мен отбасыммен мақтанамын», «Менің отбасымдағы мерекелер», «Менің отбасым керемет!», т.с.с. тақырыптарда сынып сағаттарын өткізді. Топтарға бөлініп, әр топ мүшелері өздерінің отбасының сипаттамасын талқылады. Тақтаға шығып салған суреттері бойынша кластер жасап қорғап шықты. Аналарға, әкелерге, әжелерге, аталарына арналған тақпақтарын айтып берді. 2 «Ә», 2 «Е» сынып оқушылары өз отбасы туралы бейнероликтерін әзірлеп әлеуметтік желіге жариялады.

       Биылғы 2022-2023 оқу жылында сынып жетекшілер өз уақытында ата-аналар жиналысын өткізіп, сабаққа ынтасын төмен, тәртібі нашар оқушылардың ата-аналарымен әңгіме жүргізді. Мектеп әкімшілігі тарапынан да тәртіп бұзған, сабаққа келмей жүрген үйде оқытылатын балалардың ата-аналарын шақырып, әңгіме жүргізу арқылы жұмыс жүргізілді. Бастауыш сынып жетекшілері «Бастауыш сынып оқушыларын тәрбиелеудегі ата-аналар мен сынып жетекшілердің рөлі» атты дөңгелек үстел өтті. Тағылымы мол бұл кездесуде  ата-аналар көптеген ой-пікірлерімен бөлісті. Әрбір ата-ана өз балаларын дұрыс тәрбиелеу, заман ағымына қарай білімді ұрпақ тәрбиелеу жайлы өз ойларын ортаға салды. Мектеп және отбасы – егіз ұғым. Бала тәрбиесінде ата-аналар мен мұғалімдер жұмыла іс атқарғанда ғана тәртіп бұзушылықтың алдын алуға болады. Мектебімізде ата-аналар мен оқушыларды қатыстыра отырып, «Тәрбие табалдырықтан басталады», «Жақсыдан –шарапат, жаманнан - кесапат», «Дәстүрлі ұлт – тәртіпті жұрт», «Ұлтымыздың мұрагері – иманды ұрпақ», «Ұяда не көрсең, ұшқанда соны ілерсің» т.б. тақырыптарда көзқарас сынып сағаттары  ұйымдастырылып, көптеген нәтижелерге қол жеткіздік. Кейбір ата-аналар бұрындары мән бермей, жай айтыла салған  сөздер деп түсініп келген халық қағидаларының түпкі мағыналарынан көптеген түсініктер алып, отбасындағы бала тәрбиесінде жүзеге асыруға деген қызығушылықтары туындап, көзқарастарында өзгерістер пайда болды.