8 наурыз - Халықаралық әйелдер күні

        Мектебімізде 8 наурыз халықаралық әйелдер күнін мерекелеуге арналған іс-шараларды ұйымдастыру жоспары бойынша жұмыстар жүргізілуде. Мақсаты: аналарымызды мектеп өміріне көбірек тарту, отбасы мен некенің оң бейнесін дәріптеу.

      Мерекелік іс-шараларды ұйымдастыру барысында мектебіміздегі көп балалы отбасындағы аналарымызға «Ана – отбасының жылуы» атты қайырымдылық акциясы өткізілді. Акция барысында 5  көп балалы отбасыларына: Нышандар отбасына, Молдағалилар отбасына, Бектурдиевалар отбасына, Каримовтар отбасына, Мұхтарлар отбасына қаржылай және азық-түлікпен көмек көрсетілді.  

      Мектебімізде ұстаздық қызмет атқарып, зейнеткерлікке шыққан зейнеткер апайларымыздың үйіне барып, гүл шоқтары мен сыйлықтарын табыстап, құттықтады.

     Сонымен қатар, «Өмір сыйлаған Ана» тақырыбында сурет көрмесі, «Ана – мәңгілік шуақ төккен ғасырларға» атты кітап көрмелері, бастауыш сынып оқушылары арасында «Ана бақыты – бала бақыты» тақырыбында мерекелік кештер өткізілуде. 

     Өткізіліп жатқан іс-шаралар «Facebook», «Instagram» әлеуметтік желілеріне де жариялануда.